23 qyrkúıekte eldiń basym bóliginde jel turyp, jaýyn jaýady
ASTANA. QazAqparat - Atmosferalyq fronttardyń ótýine baılanysty 23 qyrkúıek kúni el aýmaǵynyń basym bóliginde jaýyn-shashyn jaýyp, naızaǵaı oınaıdy. Jaýyn-shashynsyz kún raıy eldiń tek ońtústigi men batysynda kútiledi. Respýblıkanyń keı jerlerinde tuman bolyp, jel kúsheıedi, ońtústikte jel shańdy daýylmen birge soǵady, dep habarlaıdy QazAqparat «Qazgıdromet» RMK-ǵa silteme jasap.
Pavlodar oblysynda jel 15-20 m/s kúsheıip, jekelegen aýmaqtarda tuman kútiledi.
Aqmola, Soltústik Qazaqstan, Qaraǵandy, Aqtóbe oblystarynyń keı jerlerinde tuman bolyp, jel 15-20 m/s artady.
Ońtústik Qazaqstan, Atyraý, Batys Qazaqstan, Shyǵys Qazaqstan, Qyzylorda oblystarynda, kúndiz Jambyl, Mańǵystaý, Almaty oblystarynda jeldiń ekpini 15-23 m/s kúsheıedi, Qyzylorda oblysynda jel shańdy daýylmen birge soǵady.
Qostanaı oblysynyń keı jerlerin tuman basyp, kúndiz 18 m/s jyldamdyqta jel turady.
Aqmola, Soltústik Qazaqstan, Pavlodar oblystarynda, Aqtóbe, Qostanaı, Qaraǵandy, Shyǵys Qazaqstan oblystarynyń keı jerlerinde túnde 1-6 gradýs aıaz bolýy múmkin.
Sndaı-aq Ońtústik Qazaqstan, Qyzylorda, Jambyl, Almaty oblystarynda, Batys Qazaqstan, Atyraý, Aqtóbe, Qostanaı, Qaraǵandy oblystarynyń keı jerlerinde joǵary órt qaýpi saqtalady.
