23 qyrkúıek kúni elordada ótetin mańyzdy is-sharalar ańdatpasy

«QazAqparat» halyqaralyq aqparat agenttigi 23 qyrkúıek kúni Astanada ótetin mádenı jáne qoǵamdyq mańyzdy sharalar ańdatpasyn usynady.

9.00-de Alash kóshesi, 138 mekenjaıyndaǵy Ulttyq sporttyq kógershin sharýashylyǵy klýby birneshe nomınatsııalar boıynsha áýesqoı jáne sporttyq tuqymdar kórmesin ótkizedi. Mundaı kórme elordada alǵash ret ótip jatyr. Oǵan elimizdiń barlyq oblysynan kelgen áýesqoı kógershin ósirýshiler qatysady.

10.00-de «Aspan» sport kesheninde semserlesýden «Astana qylyshy» ashyq respýblıkalyq týrnıri ótedi.

12.30-da QR Ulttyq akademııalyq kitaphanasynda jazýshy, kúıshi Talasbek Ásemqulovtyń shyǵarmalarynyń 6-8 tomdarynyń tusaýkeseri jáne «Talasbek-2023» syılyǵynyń qorytyndy keshi ótedi.

13.00-de Trıatlon parkte «Jas Sarbaz jasóspirimder áskerı-patrıottyq qozǵalysy» respýblıkalyq qoǵamdyq birlestiginiń Astana qalalyq fılıaly elorda jasóspirimderi arasynda jeńil atletıka marafonyn uıymdastyrady.

14.00-de M.Ótemisov atyndaǵy Oqýshylar saraıynda BUU Balalar qorynyń (ıÝNISEF) Qazaqstan Respýblıkasyndaǵy ókildigi UNICEF Talks Jastar Üni jastar konferentsııasyn ótkizedi.

17.00-de «Roza Baǵlanova atyndaǵy «Qazaqkontsert» memlekettik kontserttik uıymy «FORTE TRIO» memlekettik trıosynyń qatysýymen kompozıtor, pıanıst, dırıjer Sergeı Rahmanınovtyń 150 jyldyǵyna arnalǵan vokaldyq jáne aspaptyq mýzyka kontsertin ótkizedi.

19.00-de Jas kórermender mýzykalyq teatrynda «Gaýhartas» mýzykalyq dramasy qoıylady.