23 qyrkúıek. Kazinform kúntizbesi. Tulǵalar týǵan kún

Nurlan ARYN, professor, medıtsına ǵylymdarynyń doktory, Qazaqstan Respýblıkasy «Daryn» memlekettik syılyǵynyń laýreaty, hırýrg

1961 jyly Almaty qalasynda dúnıege kelgen. 1984 jyly S.D.Asfendııarov atyndaǵy Almaty memlekettik medıtsına ınstıtýtynyń pedıatrııa fakýltetin «pedıatr» mamandyǵy boıynsha támamdaǵan.

Eńbek jolyn 1984-1985 jyldary balalar hırýrgııasy boıynsha ınternatýradan ótip, Almaty oblysy Kegen aýdandyq ortalyq aýrýhanasynda hırýrg dáriger bolyp bastady. 1985-1987 jyldary S.D.Asfendııarov atyndaǵy Almaty memlekettik medıtsına ınstıtýtynda balalar hırýrgııasy mamandyǵy boıynsha klınıkalyq ordınatýrada bilim aldy. 1987 jyldan bastap Almaty qalasyndaǵy №1 balalar qalalyq klınıkalyq aýrýhanasynyń jedel hırýrgııa bóliminde hırýrg dáriger qyzmetin atqardy. 1989-1990 jyldary S.D.Asfendııarov atyndaǵy Almaty memlekettik medıtsına ınstıtýtynyń Ortalyq ǵylymı-zertteý zerthanasyndaǵy balalar júıke jaraqattary zerthanasynyń
kishi ǵylymı qyzmetker boldy. 1990-1994 jyldary S.D.Asfendııarov atyndaǵy Almaty memlekettik medıtsına ınstıtýtynyń balalar hırýrgııasy kafedrasynda assıstent qyzmetin atqardy. 1994-1998 jyldaryA. N.Syzǵanov atyndaǵy Hırýrgııa ǵylymı ortalyǵynda aǵa ǵylymı qyzmetker, jetekshi ǵylymı qyzmetker, ókpe hırýrgııasy jáne jalpy balalar hırýrgııasy bóliminiń meńgerýshisi qyzmetterin atqardy. 1998-2003 jyldary A.N.Syzǵanov atyndaǵy hırýrgııa ǵylymı ortalyǵynyń keýde-abdomınaldy hırýrgııa bólimshesiniń meńgerýshisi boldy.
2003-2005 jyldary Astana qalasyndaǵy «QazMunaıGaz» UK» AQ-qa qarasty «Meıirim» kópsalaly medıtsınalyq ortalyǵy dırektorynyń emdeý isi jónindegi orynbasary qyzmetin atqardy. 2002 jyly balalar hırýrgııasy salasyndaǵy ǵylymı eńbekter tsıkli úshin Qazaqstan Respýblıkasy «Daryn» memlekettik syılyǵynyń laýreaty atandy. 2005 jyly «Qazaqstan ǵylymyn damytýǵa qosqan úlesi úshin» medalimen marapattaldy.

Nurlan AHMETBAEV, Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti tóraǵasynyń orynbasary

1975 jyly Taldyqorǵan oblysynyń (qazirgi Jetisý oblysy) Sarqant qalasynda dúnıege kelgen. Ál-Farabı atyndaǵy Qazaq ulttyq ýnıversıtetin, Qazaq eńbek jáne áleýmettik qatynastar akademııasyn 2000 jyly «Quqyqtaný» mamandyǵy boıynsha bitirgen.

Eńbek jolyn 1992-1999 jyldary - Sarqant qalasyndaǵy «Asem» JShS-nyń zańgeri bolyp bastaǵan. 2001-2002 jyldary QR Memlekettik kirister Mınıstrliginiń aktsız ónimderiniń óndirilýi jáne óńdelýi boıynsha memlekettik qadaǵalaý komıtetiniń quqyqtyq qamtamasyz etý bóliminiń bas mamany, 2002-2003 jyldary Aqmola oblysy Jaqsy aýdany prokýrorynyń kómekshisi, 2003-2004 jyldary Aqmola oblysy Stepnogorsk qalasy prokýrorynyń kómekshisi, aǵa kómekshisi, 2004-2005 jyldary Aqmola oblysy prokýratýrasynyń memlekettik organdardyń qyzmetindegi zańdylyqty qadaǵalaý basqarmasynyń prokýrory boldy. 2005-2006 jyldary Ortalyq aımaqtyq kólik prokýratýrasynyń tergeý jáne anyqtaý zańdylyǵyn qadaǵalaý bóliminiń aǵa prokýrory, 2006-2007 jyldary Qazaqstan Respýblıkasy Bas prokýratýrasynyń memlekettik organdar qyzmetindegi zańdylyqty qadaǵalaý departamentiniń kóliktegi zańdardyń qoldanylýyn qadaǵalaý bóliminiń prokýrory, 2007 jyly Qazaqstan Respýblıkasy Bas prokýratýrasynyń memlekettik organdar qyzmetindegi zańdylyqty qadaǵalaý departamenti Ekonomıka salasyndaǵy zańdylyqty qadaǵalaý basqarmasynyń kóliktegi zańdardyń qoldanylýyn qadaǵalaý bóliminiń prokýrory, 2007-2009 jyldary QR Bas prokýratýrasynyń memlekettik organdar qyzmetindegi zańdylyqty qadaǵalaý departamenti Ekonomıka salasyndaǵy zańdylyqty qadaǵalaý basqarmasynyń kóliktegi zańdardyń qoldanylýyn qadaǵalaý bóliminiń aǵa prokýrory qyzmetin atqardy. 2009 jyly QR Bas prokýratýrasynyń áleýmettik-ekonomıkalyq saladaǵy zańdylyqty qadaǵalaý departamenti Ekonomıka salasyndaǵy zańdylyqty qadaǵalaý basqarmasynyń kóliktegi zańdylyqty qadaǵalaý bóliminiń aǵa prokýrory, 2009-2011 jyldary Astana qalasy Saryarqa aýdany prokýrorynyń orynbasary, 2011-2016 jyldary Bas kólik prokýratýrasy Astana qalasynyń Áýe kólik prokýrory, 2016-2021 jyldary QR Bas prokýratýrasy Quqyqtyq statıstıka jáne arnaıy esepke alý jónindegi komıtetiniń Atyraý oblysy boıynsha basqarmasynyń bastyǵy qyzmetine taǵaıyndaldy. 2021-2023 jyldary QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Áskerı basqarmasynyń bastyǵy, 2023-2024 jyldary QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Áskerı departamentiniń bastyǵy, 2024 jylǵy qańtar-2026 jylǵy tamyz aralyǵynda Mańǵystaý oblysy prokýrorynyń orynbasary boldy.

Qazirgi qyzmetin 2026 jylǵy tamyz aıynan bastap atqaryp keledi.

Talǵat QOZBEKOV, Aqtóbe oblysy boıynsha Memlekettik kirister departamentiniń basshysy

1976 jyly Taldyqorǵan oblysy Panfılov aýdanynyń Kóktal aýylynda dúnıege kelgen. 1997 jyly Abaı atyndaǵy Memlekettik ýnıversıtetti «Ekonomıst-marketolog» mamandyǵy boıynsha, 2002 jyly Qazaq memlekettik ýnıversıtetin «Zańger» mamandyǵy boıynsha bitirgen.

Eńbek jolyn 1999 jyly Panfılov aýdany boıynsha Salyq komıtetiniń salyq aýdıti bóliminiń jeke tulǵalardyń salyq aýdıti sektorynyń salyq ınspektory bolyp bastaǵan. 1999-2000 jyldary Panfılov aýdany boıynsha Salyq komıteti Salyqtardy májbúrlep óndirip alý bóliminiń aǵa salyq ınspektory, 2000 jyly Panfılov aýdany boıynsha Salyq komıteti Salyqtardy májbúrlep óndirip alý jáne janama salyqtar bóliminiń jetekshi salyq ınspektory, 2000-2006 jyldary Panfılov aýdany boıynsha Salyq komıteti Aýdıt bóliminiń jeke tulǵalar aýdıti sektorynyń basshysy, 2006-2007 jyldary Panfılov aýdany boıynsha Salyq komıtetiniń uıymdastyrý-quqyqtyq jumys bóliminiń basshysy qyzmetine taǵaıyndaldy. 2007 jyly Panfılov aýdany boıynsha Salyq komıteti Salyqtyq aýdıt bóliminiń basshysy, 2007-2008 jyldary Panfılov aýdany boıynsha Salyq basqarmasy Salyqtyq aýdıt bóliminiń basshysy, 2008-2010 jyldary Panfılov aýdany boıynsha Salyq basqarmasy Aýdıt bóliminiń bas salyq ınspektory, 2010 jyly Jambyl aýdany boıynsha Salyq basqarmasy basshysynyń orynbasary boldy. 2010-2014 jyldary Panfılov aýdany boıynsha Salyq basqarmasy basshysynyń orynbasary, 2014-2015 jyldary Panfılov aýdany boıynsha Memlekettik kirister basqarmasy basshysynyń orynbasary, 2015-2018 jyldary Uıǵyr aýdany boıynsha Memlekettik kirister basqarmasynyń basshysy, 2018-2020 jyldary Panfılov aýdany boıynsha Memlekettik kirister basqarmasynyń basshysy qyzmetterin atqardy. 2020-2022 jyldary Qazaqstan Respýblıkasy Qarjy mınıstrliginiń Memlekettik kirister komıteti Atyraý oblysy boıynsha Memlekettik kirister departamenti basshysynyń orynbasary, 2022 jyly Qazaqstan Respýblıkasy Qarjy mınıstrliginiń Memlekettik kirister komıteti Almaty oblysy boıynsha Memlekettik kirister departamentiniń basshysy, 2022-2025 jyldary Qazaqstan Respýblıkasy Qarjy mınıstrliginiń Memlekettik kirister komıteti Jetisý oblysy boıynsha Memlekettik kirister departamentiniń basshysy boldy. 2025 jyly Túrkistan oblysy ákiminiń orynbasary qyzmetin atqardy.

Qazirgi qyzmetin 2025 jylǵy jeltoqsan aıynan bastap atqaryp keledi.

Danııar ÁLIEV, Qazaqstan Respýblıkasy Qarjylyq monıtorıng agenttigi Astana qalasy boıynsha Ekonomıkalyq tergep-tekserý departamentiniń basshysy

1982 jyly Ońtústik Qazaqstan oblysynda dúnıege kelgen. 2004 jyly Qazaqstan Respýblıkasy Ulttyq qaýipsizdik komıtetiniń Akademııasyn, 2016 jyly Qazaq ekonomıka, qarjy jáne halyqaralyq saýda ýnıversıtetin, 2020 jyly Reseı Federatsııasy Prezıdentiniń janyndaǵy Reseı halyq sharýashylyǵy jáne memlekettik qyzmet akademııasyn bitirgen.

Eńbek joly: 2015 jyly Sotqa deıingi tergep-tekserý departamentiniń qarjy salasyndaǵy quqyqbuzýshylyqtardy tergep-tekserý basqarmasynyń basshysy, 2015 jylǵy mamyr - 2019 jylǵy naýryz aralyǵynda Qazaqstan Respýblıkasy Qarjy mınıstrliginiń Memlekettik kirister komıteti Astana qalasy boıynsha Memlekettik kirister departamenti basshysynyń orynbasary qyzmetterin atqardy. 2019 jyly Qazaqstan Respýblıkasy Qarjy mınıstrliginiń Qarjylyq monıtorıng komıteti Astana qalasy boıynsha Ekonomıkalyq tergep-tekserý departamentiniń basshysynyń mindetin atqarýshy, 2019 jylǵy maýsym - 2022 jylǵy maýsym aralyǵynda Mańǵystaý oblysy boıynsha Ekonomıkalyq tergep-tekserý departamentiniń basshysy boldy. 2022 jylǵy maýsym - 2024 jylǵy naýryz aralyǵynda Qazaqstan Respýblıkasy Qarjylyq monıtorıng agenttiginiń Shymkent qalasy boıynsha Ekonomıkalyq tergep-tekserý departamentiniń basshysy qyzmetine taǵaıyndaldy.

Qazirgi qyzmetin 2024 jylǵy naýryz aıynan bastap atqaryp keledi.

Dáýren QOIGELDIN, Abaı oblysy, Maqanshy aýdanynyń ákimi

1984 jyly Almaty qalasynda dúnıege kelgen. 2005 jyly Qazaq memlekettik zań akademııasyn «Quqyqtaný» mamandyǵy boıynsha, 2010 jyly Qazaq qarjy-ekonomıkalyq akademııasyn «Qarjy» mamandyǵy boıynsha, 2011 jyly Qazaqstan Respýblıkasy Prezıdentiniń janyndaǵy Memlekettik basqarý akademııasynyń magıstratýrasyn «Memlekettik jáne jergilikti basqarý» mamandyǵy boıynsha bitirgen.

Eńbek jolyn 2006 jyly Kókpekti aýdandyq máslıhaty apparaty bas mamanynyń mindetin atqarýshy qyzmetinen bastaǵan. 2006-2008 jyldary Kókpekti aýdandyq máslıhaty apparatynyń bas mamany, 2008-2009 jyldary Kókpekti aýdandyq máslıhaty apparatynyń bólim basshysy qyzmetterin atqardy. 2009-2011 jyldary Kókpekti aýdandyq máslıhaty apparatynyń basshysy, 2011-2018 jyldary - Shyǵys Qazaqstan oblysy Kókpekti aýdany Preobrajenka aýyly, Q. Aýhadıev atyndaǵy aýyldyq okrýginiń ákimi boldy.

2018-2024 jyldary – Abaı oblysy, Kókpekti aýdany ákiminiń orynbasary qyzmetinde boldy.

Qazirgi qyzmetin 2024 jylǵy aqpannan bastap atqaryp keledi.

Aýdarǵan: Aqzat Jıenalına