23 keliden astam gashısh saýdalaǵan Jambyl oblystyq ІІD «Delta-Jazyq» esirtki bıznesimen kúres aýdanaralyq bóliminiń eki qyzmetkeri ustaldy - UQK
ASTANA. Qarashanyń 25-i. QazAqparat - QR Ulttyq qaýipsizdik komıteti RF-nyń Esirtkiler aınalymyn baqylaý jónindegi federaldyq qyzmetimen birlesip, esirtki tasymalynyń jolyn kesýge baǵyttalǵan «Tranzıt» halyqaralyq operatsııasyn ótkizdi,
dep habarlaıdy QazAqparat atalǵan vedomstvonyń baspasóz qyzmetine silteme jasap.
Júrgizilgen is-sharalardyń nátıjesinde, qarashanyń 18-de Pavlodar qalasynda 32 keliden astam apıyn zatyn alý kezinde Qazaqstannyń eki azamaty quryqtalǵan. Al Jambyl oblysy aýmaǵynda oblystyq ІІD «Delta-Jazyq» esirtki bıznesimen kúres bólimi qyzmetkerleriniń «qamqorlyǵymen» esirtki zattaryn satýmen aınalysqan top anyqtalǵan. Sondaı-aq qarashanyń 19-da 23 keliden astam gashıshti satý ústinde Jambyl oblystyq ІІD «Delta-Jazyq» esirtki bıznesimen kúres aýdanaralyq bóliminiń eki qyzmetkeri ustalǵan.
Osy derek boıynsha qylmystyq is qozǵalyp, tergeý is-sharalary júrgizilýde.
