23 qazan. Tulǵalar týǵan kún
ESІMDER
100 jyl buryn (1922-1943) Keńes Odaǵynyń Batyry, qazaqtyń qaharman qyzy Mánshúk Jıenǵalıqyzy MÁMETOVA dúnıege kelgen.
Oral oblysynyń (qazirgi Batys Qazaqstan) Orda aýdanyndaǵy Jasqus aýylynda týǵan. Ata-anasynan erte aıyrylǵan Mánshúktiń balalyq shaǵy Almatyda Á. Mámetovanyń tárbıesinde ótti. Almaty qalasyndaǵy №28 mektepte oqyǵan. Mektepti bitirip, medıtsınalyq rabfakta, Almaty medıtsınalyq ınstıtýtynda oqydy.
1942 j. tamyzda óz erkimen suranyp, Qyzyl Armııa qataryna alyndy. Alǵashynda shtab pesiri, keıinnen dala gospıtalinde medbıke boldy. Instıtýtta oqyp júrgende mergendikke úırengen Mánshúk bos kezinde «Maksım» pýlemetiniń qurylysyn zerttedi. Ózi suranyp, atqyshtar dıvızııasyna qosylyp, 21-nshi atqyshtar dıvızııasynyń quramynda urysqa qatysty. Aǵa serjant, pýlemetshi Mánshúk urystarda óziniń mergendigimen jáne tobynda batyldyǵymen kózge tústi. 1943 jylǵy 15 qazanda Kalının maıdanynyń áskerleri quramynda Nevel qalasy úshin bolǵan keskilesken sheshýshi urysta Mánshúk aqtyq demi bitkenshe pýlemetten oq boratyp, qaharmandyqpen qaza tapty. Denesi Nevel qalasyna jerlendi. Batyr qyzǵa qaza tapqannan keıin, 1944 jylǵy 1 naýryzda SSSR Joǵarǵy Keńesiniń Prezıdıýmynyń Jarlyǵymen Keńes Odaǵynyń Batyry ataǵy berildi.
59 jyl buryn (1963) «KEGOC» elektr jelilerin basqarý jónindegi Qazaqstan kompanııasy» AQ basqarma tóraǵasy Qanysh Táńirbergenuly MOLDABAEV dúnıege keldi.
Pavlodar oblysynda dúnıege kelgen. Bilimi 2016 – 2020 jj. – iskerlik ákimshilik etý doktory, Reseı Federatsııasy Prezıdentiniń janyndaǵy Reseı halyq sharýashylyǵy jáne Memlekettik qyzmet akademııasyn, 2003 – 2004 jj. – memlekettik qyzmet menedjeri, Qazaqstan Respýblıkasy Prezıdentiniń janyndaǵy Memlekettik qyzmet akademııasyn, 1999 – 2002 jj. - ekonomıst-zańger, Qaraǵandy memlekettik tehnıkalyq ýnıversıtetin, 1981 – 1987 jj. - ınjener-elektrık, Pavlodar ındýstrıaldy ınstıtýtyn bitirgen.
Eńbek jolyn 1987 jylǵy tamyzda Pavlodar oblysy Baıanaýyl aýdany elektr jelileriniń slesari qyzmetinen bastady. 1987-1999 jyldary paıdalaný men jóndeýden bastap Pavlodar oblysy Baıanaýyl aýdanynyń elektr jelileriniń birinshi basshysyna deıin ár túrli laýazymda jumys istedi. 1999-2003 jyldary Pavlodar oblysy Baıanaýyl aýdany ákiminiń orynbasary bolyp jumys istedi. 2003-2004 jyldary QR Prezıdentiniń janyndaǵy Memlekettik qyzmet akademııasynda oqydy. Oqýdy aıaqtaǵannan keıin, 2004 jyldan 2007 jylǵa deıin Energetıka jáne mıneraldyq resýrstar mınıstrliginiń Elektr energetıkasy basqarmasynyń bastyǵy bolyp jumys istedi. Sodan keıin «KEGOC» AQ-ǵa jumysqa aýysty, 2007 jyldan bastap 2009 jylǵa deıin – «KEGOC» AQ «Soltústik JET» fılıalynyń dırektory, 2009 jyldan bastap 2011 jylǵa deıin - UET-ty damytý departamentiniń dırektory bolyp jumys istedi. 2011 jyldan bastap 2012 jylǵa deıin «Samuryq-Qazyna» AQ Indýstrııalyq aktıvterdi basqarý jónindegi dırektory bolyp jumys istedi. 2012 jyldan bastap 2018 jylǵa deıin «Samuryq-Energo» AQ-da Innovatsııalyq-tehnologııalyq saıasat jáne damý departamentiniń dırektorynan, Damý jáne satý jónindegi basqarýshy dırektor-Basqarma múshesinen bastap Basqarma tóraǵasynyń birinshi orynbasaryna deıin túrli laýazymdarda jumys istedi. 2018 jyldan bastap 2019 jylǵa deıin «Qazaqstan atom elektr stantsııalary» AQ Bas dırektorynyń orynbasary bolyp jumys istedi.
2019-2021 jj. «Energetıka» sektorynyń basshysy, «Samuryq-Qazyna» AQ Energetıkalyq jáne taý-ken aktıvteri dırektsııasynyń dırektory bolyp qyzmet atqardy. 2021 jylǵy sáýirden bastap «KEGOC» AQ Dırektorlar keńesiniń tóraǵasy bolyp qyzmet atqarady.
«Qurmet» ordenimen (2015j.), «Qazaqstan Respýblıkasynyń táýelsizdigine 10 jyl» (2001j.) medalimen, «Qazaqstan Respýblıkasynyń táýelsizdigine 20 jyl» (2011j.) medalimen, Qazaqstan Respýblıkasy Energetıka jáne mıneraldyq resýrstar mınıstrliginiń Qurmet gramotasymen (2006j.), «TMD eńbek sińirgen energetıgi» ataǵymen (2010j.) marapattaldy.
57 jyl buryn (1965) Qazaqstannyń memleket jáne qoǵam qaıratkeri Asqar Uzaqbaıuly MAMIN dúnıege keldi.
Tselınograd ınjenerlik-qurylys ınstıtýtyn, G.V. Plehanov atyndaǵy Reseı ekonomıkalyq akademııasyn bitirgen, mamandyǵy boıynsha ınjener-qurylysshy, ekonomıst.
Eńbek jolyn «Tselıntıajstroı» tresinde montajshy bolyp bastaǵan. Qazaqstan ınnovatsııalyq kásiporyndar odaǵy dırektorynyń orynbasary laýazymynda qyzmet atqarǵan. Astana qalasy ákiminiń birinshi orynbasary (1996-2000), Qazaqstan Respýblıkasynyń Kólik jáne kommýnıkatsııalar vıtse-mınıstri (2000-2002), «Inkom-Astana» JShS bas dırektory (2002-2003), Qazaqstan Respýblıkasynyń Indýstrııa jáne saýda birinshi vıtse-mınıstri (2003-2004), Qazaqstan Respýblıkasynyń Kólik jáne kommýnıkatsııalar mınıstri (2005-2006), Astana qalasynyń ákimi (2006-2008). 2008 - 2016 jyldary «Qazaqstan temir joly» ulttyq kompanııasy» aktsıonerlik qoǵamynyń prezıdenti, Qazaqstan Respýblıkasy Premer-Mınıstriniń birinshi orynbasary (2016-2019) qyzmetterin atqardy. Qazaqstan Respýblıkasynyń Premer-Mınıstri (2019-2022).
1998 jyly - «Eren eńbegi úshin» medalimen, 2006 jyly - «Qurmet» ordenimen, 2011 jyly - ekinshi dárejeli «Barys» ordenimen, 2013 jyly - Frantsýz Respýblıkasynyń Qurmetti legıony ordenimen, 2014 jyly - Ispanııa koroldiginiń «Azamattyq eńbegi úshin» birinshi dárejeli ordenimen marapattalǵan. 2011 jyly - Astana qalasynyń Qurmetti azamaty, 2012 jyly - Qurmetti temirjolshy, 2013 jyly - Qazaqstannyń Qurmetti qurylysshysy.
44 jyl buryn (1978) Qazaqstan Respýblıkasy Ulttyq qaýipsizdik komıteti Shekara qyzmeti dırektorynyń orynbasary Qanataı Jorabekuly DALMATOV dúnıege keldi.
Almaty oblysynda týǵan. Qazaqstan Respýblıkasy Ulttyq qaýipsizdik komıtetiniń Áskerı ınstıtýtyn (2000); Ortalyq Azııa ýnıversıtetin (magıstratýra) bitirgen.
Eńbek qyzmeti: Zaısan shekara otrıady shekara zastavasy bastyǵynyń orynbasary, shekara beketi bastyǵy, shekara zastavasynyń bastyǵy; Qazaqstan Respýblıkasy ulttyq qaýipsizdik organdarynyń jedel-basqarý quramy laýazymdarynda qyzmet etken.
Qazirgi qyzmetin 2019 jyldyń qazan aıynan bastap atqaryp keledi.
36 jyl buryn (1986) Astana qalasy ákiminiń orynbasary Eset Berikuly BAIKEN dúnıege kelgen.
Qaraǵandy oblysynda týǵan. Qaz MZÝ Gýmanıtarlyq zań kolledjin (2005); Qazaq gýmanıtarlyq zań ýnıversıtetin (2008); E.A.Bóketov atyndaǵy Qaraǵandy memlekettik ýnıversıtetin (2010) bitirgen.
Eńbek joly: «Astana qalasynyń Ekonomıka jáne bıýdjettik josparlaý basqarmasy» MM ınvestıtsııalyq saıasat jáne josparlaý bóliminiń jetekshi mamany m.a. (2008-2009); «Astana qalasynyń Ekonomıka jáne bıýdjettik josparlaý basqarmasy» MM ınvestıtsııalyq saıasat jáne josparlaý bóliminiń jetekshi mamany (2009); «Astana qalasynyń Ekonomıka jáne bıýdjettik josparlaý basqarmasy» MM ınvestıtsııalyq saıasat jáne josparlaý bóliminiń bas mamany (2010); «Astana qalasynyń Ekonomıka jáne bıýdjettik josparlaý basqarmasy» MM quqyqtyq qamtamasyz etý jáne satyp alý bóliminiń bas mamany (2010); Astana qalasy ákimi apparaty áleýmettik-mádenı sala bóliminiń bas mamany (2010-2013); Astana qalasy ákiminiń bas ınspektory (2013); Astana qalasy ákimi apparaty uıymdastyrý-ınspektorlyq bóliminiń basshysy (2013-2016); Qazaqstan Respýblıkasy Prezıdenti Ákimshiligi Hatshylyǵynyń sarapshysy (2016-2017); Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory (2017-2019); Qaraǵandy oblysy Nura aýdanynyń ákimi (2019); Nur-Sultan qalasy ákimi Apparat basshysynyń orynbasary (2019). Nur-Sultan qalasy Saryarqa aýdanynyń ákimi (02.2022-09.2022).
Qazirgi laýazymyn atqarýǵa 2022 jyldyń qyrkúıek aıynda kiristi.