23 qazan. Týǵan kún ıeleri

ASTANA. QazAqparat - Búgin, ıaǵnı 23 qazan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER 

53 jyl buryn (1965) QR Premer-Mınıstriniń birinshi orynbasary, tehnıka ǵylymdarynyń kandıdaty  Asqar Uzaqbaıuly MAMIN  dúnıege keldi.

Qazirgi Astana qalasynda týǵan.

Tselınograd ınjenerlik-qurylys ınstıtýtyn, G.V. Plehanov atyndaǵy Reseı ekonomıkalyq akademııasyn támamdaǵan, mamandyǵy boıynsha ınjener-qurylysshy, ekonomıst.

Eńbek jolyn «Tselıntıajstroı» tresinde montajshy bolyp bastaǵan. Qazaqstan ınnovatsııalyq kásiporyndar odaǵy dırektorynyń orynbasary laýazymynda qyzmet atqarǵan.

Astana qalasy ákiminiń birinshi orynbasary (1996-2000), Qazaqstan Respýblıkasynyń Kólik jáne kommýnıkatsııalar vıtse-mınıstri (2000-2002),  «Inkom-Astana» JShS bas dırektory (2002-2003), Qazaqstan Respýblıkasynyń Indýstrııa jáne saýda birinshi vıtse-mınıstri (2003-2004), Qazaqstan Respýblıkasynyń Kólik jáne kommýnıkatsııalar mınıstri (2005-2006), Astana qalasynyń ákimi (2006-2008).

2008 - 2016 jyldary «Qazaqstan temir joly» ulttyq kompanııasy» aktsıonerlik qoǵamynyń prezıdenti boldy.

2016 jylǵy qyrkúıekte Qazaqstan Respýblıkasy Premer-Mınıstriniń birinshi orynbasary bolyp taǵaıyndaldy.

1998 jyly - «Eren eńbegi úshin» medalimen, 2006 jyly - «Qurmet» ordenimen, 2011 jyly - ekinshi dárejeli «Barys» ordenimen, 2013 jyly - Frantsýz Respýblıkasynyń Qurmetti legıony ordenimen, 2014 jyly - Ispanııa koroldiginiń «Azamattyq eńbegi úshin» birinshi dárejeli  ordenimen marapattalǵan. 2011 jyly - Astana qalasynyń Qurmetti azamaty,  2012 jyly - Qurmetti temirjolshy, 2013 jyly - Qazaqstannyń Qurmetti qurylysshysy.

98 jyl buryn (1920-1980) ıtalıan balalar jazýshysy, «Chıppolınonyń basynan keshkenderi» kitabynyń avtory Djannı RODARI dúnıege keldi.

77 jyl buryn (1940) Brazılııanyń ataqty sportshysy, tarıhtaǵy eń áıgili fýtbolshy, «fýtbol koroli» PELE (shyn aty-jóni - Edson Arantıs dý Nasımentý) dúnıege keldi.