23 qazan kúni Qazaqstanda turaqsyz aýa raıy saqtalady - aýa raıy boljamy
ASTANA. 22 qarasha. QazAqparat - Qazaqstan aýmaǵynyń kóptegen bóliginde atmosferalyq aǵymdardyń ótýine baılanysty 23 qarasha kúni turaqsyz aýa raıy saqtalyp, jel kúsheıip, burqasyn, kóktaıǵaq bolady.
Qazaqstannyń batys jáne ońtústik bóligi ǵana antıtsıklonnyń yqpalynda qalyp, munda jaýyn-shashynsyz aýa raıy kútiledi, dep habarlaıdy TJM-niń baspasóz qyzmeti Qazgıdrometke silteme jasaı otyryp.
Qostanaı, Qaraǵandy, Shyǵys Qazaqstan oblystarynyń birqatar aımaqtarynda 15-20 m/s jyldamdyqpen jel soǵyp, burqasyn kútiledi, Qostanaı oblysynda kóktaıǵaq bolady.
Almaty, Jambyl oblystarynda keı jerlerde tuman, jeldiń 15-20 m/s jyldamdyqpen soǵýy, Almaty oblysynyń Jalańashkól aýdanynda jel ekpininiń 18-23 m/s deıin jetýi yqtımal.
Aqmola oblysynyń keıbir jerlerinde jeldiń jyldamdyǵy 15-20 m/s jetip, kúndiz burqasyn bolýy kútiledi.
Soltústik Qazaqstan oblysynda túnde jáne tańerteń tuman túsip, kúndiz keı jerlerde burqasyndy jel 15-20 m/s deıin jyldamdyqpen soǵady.
Atyraý, Batys Qazaqstan oblystarynyń birqatar aımaqtarynda tuman túsýi yqtımal.
Ońtústik Qazaqstan oblysynda túnde keı jerlerde tuman túsip, kúndiz birqatar aımaqtarda jeldiń jyldamdyǵy 15-20 m/s deıin jetedi.
Aldaǵy táýlikte Qazaqstannyń soltústik, soltústik-shyǵys, ortalyq, shyǵysyndaǵy sýlarynda jáne ońtústik-shyǵysynyń jekelegen ózenderinde muz qatý úderisi jalǵasady, osyǵan baılanysty respýblıkanyń ońtústik-shyǵys jáne shyǵysyndaǵy jekelegen ózenderde sý deńgeıi kóterilýi múmkin.
Respýblıkanyń ońtústik, ońtústik-shyǵysyndaǵy kóptegen ózenderde, sonyń ishinde Syrdarııa, Shý, Іle ózenderinde sý betiniń odan ári salqyndaýy baıqalady.
Shardara sý qoımasynan sý tolqynynyń taralýy esebinen Syrdarııa ózeniniń Ońtústik Qazaqstan oblysy jáne Qyzylorda oblysynyń ońtústigindegi bóliginde sý deńgeıiniń kóterilýi kútiledi.
