23 qazan kúni Qazaqstanda ótetin mańyzdy sharalar ańdatpasy
ASTANA. QazAqparat – «QazAqparat» halyqaralyq aqparat agenttigi 23 qazan kúni elimizde ótetin mańyzdy sharalar ańdatpasyn usynady.
11.00-de Qazybek bı kóshesi 5A mekenjaıynda Kishi Taldykól mańyndaǵy turǵyndardyń qatysýymen jıyn ótedi. Onda «Taldykól» ekosaıabaǵy týraly, mektep pen balabaqshalar, ınfraqurylym júıelerin damytý týraly tolyq aqparat beriledi.
13.00-de Qazmedıa ortalyǵynda «SAI» japondyq barabanshylar tobynyń kontserti ótedi.
15.00-de Ál-Farabı atyndaǵy Oqýshylar saraıynda Respýblıka kúnine arnalǵan «Etnıkalyq polıfonııa» tsıklynan merekelik kontsert ótedi. Sharany Astana qalasynyń Qazaqstan halqy Assambleıasy uıymdastyrady.
18.00-de Q.Qýanyshbaev atyndaǵy memlekettik akademııalyq qazaq mýzykalyq drama teatrynda Qazaqstan drama teatrlarynyń XXVIIІ respýblıkalyq festıvaliniń jabylý saltanaty ótedi.
18.00-de «Astana Opera» teatrynyń trýppasy gastroldik óner kórsetý aıasynda «Astana Balet» teatrynyń sahnasynda «Jızel» balet spektaklin usynady.
19.00-de Jas kórermenderdiń mýzykalyq teatrynda «Teatr álemi» kontsert-qoıylymy ótedi.
19.00-de Nur-Sultan qalasy fılarmonııasynyń kontsert zalynda «Saǵyndyrǵan ánder-aı» kontserti qoıylady.
