23 qazan - halyqaralyq qar barysy kúni
ASTANA. QazAqparat - Qar barysy – Qazaqstannyń sırek kezdesetin iri jyrtqyshtarynyń biri, ol 1978 jyly elimizdiń Qyzyl kitabyna engizilgen, dep habarlaıdy QazAqparat.
Sonymen qatar, qar barysy Qazaqstan Respýblıkasynyń memlekettik sımvoly sanalady jáne qazaq halqynyń baǵa jetpes tabıǵı jáne mádenı murasyn beıneleıtin úlken qoǵamdyq mańyzy bar.
Jyrtqysh 9 erekshe qorǵalatyn tabıǵı aýmaqta: Іle-Alataý, Jońǵar Alataýy, Kólsaı-kólderi, Katonqaraǵaı, Saıram-Ógem, Sharyn, Altynemel ulttyq parkterinde, Almaty jáne Aqsý-Jabaǵyly qoryqtarynda mekendeıdi.
Elimizde tabıǵat qorǵaý mekemeleri – ulttyq parkter men qoryqtardy qurý jáne olardyń terrıtorııalaryn keńeıtý sharalarynyń arqasynda qar barysy popýlıatsııasynyń oń dınamıkasy men ósimi baıqalady.
1990 jyldardyń basynda olardyń Qazaqstandaǵy sany 80-100 bolsa, 2010 jyldardyń basynda 110-130 basty qurady.
Qazirgi ýaqytta Qazaqstanda qar barysynyń jalpy sany - 140-180 bas.
Álemde 4000-ǵa jýyq qar barysy bar.
