23 qazan el aýmaǵynda qar jaýyp, kóktaıǵaq bolady
ASTANA. QazAqparat - Qazgıdromet sınoptıkteri 23 qazan, jeksenbige arnalǵan aýa raıy boljamyn usyndy, dep habarlaıdy QazAqparat.
Soltústik tsıklonnyń áserinen jáne atmosferalyq fronttardyń áserinen Qazaqstannyń basym bóliginde turaqsyz aýa raıy saqtalady.
Osyǵan baılanysty jaýyn-shashyn jaýady.
Eldiń soltústiginde qatty qar jaýady, ońtústiginde jáne ońtústik-shyǵysynda qatty jaýyn-shashyn jaýady (qar, jańbyr).
Kóktaıǵaq bolyp, jaıaý burqasyn soǵady.
Qazaqstan boıynsha jel kúsheıip, tuman túsedi.
