23 qarashada QR Úkimetiniń selektorlyq otyrysy ótedi

ASTANA. QazAqparat - 23 qarashada QR Úkimetiniń otyrysy ótedi, dep habarlady QR Premer-mınıstriniń baspasóz qyzmeti.

Búgin Úkimet Úıinde QR Premer-Mınıstri Kárim Másimov 2015 jyldyń 18 qarashasynda ótken QR Úkimetiniń keńeıtilgen otyrysynda QR Prezıdenti bergen tapsyrmalardy oryndaý máseleleri boıynsha QR Úkimetiniń jedel otyrysyn ótkizdi.

Memlekettik organdardyń basshylary «Ońaltý jáne bankrottyq týraly» Zańdy oryndaý, jekeshelendirý jáne jarııa etý baǵdarlamalaryn júzege asyrý, «Nurly Jol», ındýstrııalandyrýdyń ekinshi besjyldyǵy, memlekettik-jeke menshik seriktestikti damytý, ınvestıtsııalar tartý, «Samuryq-Qazyna» Qoryn transformatsııalaý, sondaı-aq azyq-túlik taýarlary baǵasyn monıtorıngileý jáne halyqtyń álsiz toptaryna qoldaý kórsetý týraly baıandady.

Otyrys qorytyndysy boıynsha K.Másimov Memleket basshysynyń barlyq tapsyrmalaryn oryndaýdy sapaly baqylaýdy uıymdastyrýdy tapsyrdy.

Ár másele boıynsha tolyǵyraq mınıstrlikter jáne vedomstvolar basshylary, oblys ákimderi 2015 jyldyń 23 qarashasynda selektorlyq rejımde ótetin QR Úkimeti otyrysynda málimdeıdi.