23 qarashada Qazaqstannyń 17 oblysynda tuman túsip, kóktaıǵaq bolady - Qazgıdromet
ASTANA. KAZINFORM – «Qazgıdromet» 23 qarashada Astana qalasy men Qazaqstannyń 17 oblysynda qolaısyz aýa raıyna baılanysty daýyldy eskertý jarııalady.
Astanada túnde jáne tańerteń tuman kútiledi.
Abaı oblysynyń shyǵysy men ońtústiginde túnde jáne tańerteń tuman túsedi. Ońtústik-shyǵystan, ońtústikten soǵatyn jeldiń jyldamdyǵy oblystyń batysynda, soltústiginde jáne ortalyǵynda 15-20 m/s, kúndiz ekpini 25 m/s jetedi.
Aqmola oblysynda jaýyn-shashyn, negizinen jańbyr jaýady. Oblystyń batysynda, soltústiginde jáne ońtústiginde tuman túsip, kóktaıǵaq bolady.
Almaty oblysynyń soltústiginde túnde jáne tańerteń tuman kútiledi. Ońtústik-shyǵystan soǵatyn jeldiń ekpini kúndiz oblystyń ońtústigi men shyǵysynda 15-20 m/s jetedi.
Aqtóbe oblysynda túnde jaýyn-shashyn, negizinen jańbyr jaýady. Tuman túsip, oblystyń batysynda, soltústiginde jáne shyǵysynda kóktaıǵaq bolady.
Atyraý oblysynyń soltústiginde, ońtústiginde jáne shyǵysynda tuman kútiledi. Ońtústik-batystan soǵatyn jeldiń ekpini kúndiz oblystyń batysy men soltústiginde 15-18 m/s jetedi.
Shyǵys Qazaqstan oblysynyń soltústigi men shyǵysynda túnde jáne tańerteń tuman túsedi. Shyǵystan, ońtústik-shyǵystan soǵatyn jeldiń jyldamdyǵy oblystyń batysynda, soltústiginde jáne ońtústik-shyǵysynda 15-20 m/s, kúndiz ekpini 25 m/s jetedi.
Jambyl oblysynyń ońtústigi men taýly aýdandarynda túnde jáne tańerteń tuman kútiledi. Ońtústik-batystan soǵatyn jeldiń jyldamdyǵy kúndiz oblystyń ońtústik-batysy men taýly aýdandarynda 15-20 m/s, ekpini 25 m/s jetedi.
Jetisý oblysynyń shyǵysynda, ortalyǵynda jáne taýly aýdandarynda tuman túsedi. Ońtústik-shyǵystan soǵatyn jeldiń ekpini oblystyń shyǵysy men taýly aýdandarynda 15-20 m/s, kúndiz Alakól kólderi mańynda keı ýaqyttarda 25 m/s jetedi.
Batys Qazaqstan oblysynyń batysy men soltústiginde túnde jańbyr men qar jaýady. Túnde jáne tańerteń osy aýmaqtarda kóktaıǵaq bolyp, tuman túsedi. Ońtústik-batystan soǵatyn jeldiń ekpini kúndiz 15-20 m/s jetedi.
Qaraǵandy oblysynyń soltústiginde, shyǵysynda jáne ońtústiginde tuman kútiledi. Ońtústikten, ońtústik-batystan soǵatyn jeldiń ekpini kúndiz oblystyń soltústigi men shyǵysynda 15-20 m/s jetedi.
Qostanaı oblysynyń batysynda, ońtústiginde jáne shyǵysynda jańbyr men qar jaýyp, kóktaıǵaq bolady. Oblystyń batysynda, soltústiginde jáne ońtústiginde tuman túsedi.
Qyzylorda oblysynyń soltústigi men ortalyǵynda tuman kútiledi.
Mańǵystaý oblysynyń batysynda, soltústiginde jáne ortalyǵynda túnde jáne tańerteń tuman túsedi.
Pavlodar oblysynyń batysy men soltústiginde túnde jańbyr men qar jaýady. Kúndiz jaýyn-shashyn, negizinen jańbyr kútiledi. Oblystyń batysynda, soltústiginde jáne ortalyǵynda tuman túsip, kóktaıǵaq bolady.
Soltústik Qazaqstan oblysynda jańbyr men qar jaýady. Oblystyń batysynda, soltústiginde jáne ońtústiginde tuman túsip, kóktaıǵaq bolady. Ońtústik-batystan soǵatyn jeldiń ekpini osy aýmaqtarda 15-20 m/s jetedi.
Túrkistan oblysynyń batysynda, soltústiginde, taýly jáne taý bókterindegi aýdandarynda ońtústik-batystan soǵatyn jeldiń jyldamdyǵy 15-20 m/s bolady. Taýly asýlarda tańerteń jáne kúndiz jeldiń ekpini 23-28 m/s jetedi.
Ulytaý oblysynyń batysynda, soltústiginde jáne shyǵysynda túnde jańbyr men qar jaýyp, kóktaıǵaq bolady. Osy aýmaqtarda tuman kútiledi. Ońtústik-shyǵystan soǵatyn jeldiń ekpini kúndiz oblystyń shyǵysynda 15 m/s jetedi.
Aıta keteıik, buǵan deıin sınoptıkter 22 qarashada elimizdiń birqatar óńirinde tuman túsip, kóktaıǵaq bolatynyn eskertken edi.