23 qarashada elordada ótetin mańyzdy sharalar ańdatpasy
NUR-SULTAN. QazAqparat – «QazAqparat» halyqaralyq aqparat agenttigi 23 qarasha kúni Nur-Sultan men Almaty qalalarynda ótetin mańyzdy sharalar ańdatpasyn usynady.
9.00-de Úkimet úıinde Úkimet otyrysy ótedi. Kún tártibinde sanıtarııalyq-epıdemıologııalyq jaǵdaı, jergilikti qamtýdy damytý máseleleri jáne tutynýshylardyń quqyqtaryn qorǵaý máseleleri qaralady.
9.30 -da gıbrıdti formatta tsıfrlyq transformatsııaǵa arnalǵan ShYU Bankaralyq birlestiginiń halyqaralyq konferentsııasy ótedi. Sharany «Qazaqstannyń Damý Banki» AQ uıymdastyrady.
11.00-de QR Tuńǵysh Prezıdenti – Elbasy kitaphanasynda mýzeıinde «Elbasy elimen birge» albomynyń tusaýkeseri men Almaty qalasy ákimdigimen birlesip uıymdastyrylǵan «Almaty – Táýelsizdiktiń altyn besigi» kórmesiniń ashylý saltanaty ótedi. Qos shara da Elbasy kitaphanasynyń «Qazaqstan joly» jobasy aıasynda ótkizilmek.
11.00 -de Kásipkerler palatasynda kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi keńestiń kezekti otyrysy ótedi. Onda monıtorıng toptardyń jumys isteý algorıtmin saqtaý jáne ony saqtamaǵany úshin jaýapkershilik máselesi qaralady.
11.00-de Beıbitshilik jáne kelisim saraıynda Qazaqstan Táýelsizdiginiń 30 jyldyǵyna arnalǵan «QAZAQ ELI» kórmesi ashylady.
12.30-da QR Prezıdenti janyndaǵy Ortalyq kommýnıkatsııalar qyzmetinde «Memleket basshysynyń áleýmettik mańyzy bar azyq-túlik taýarlary baǵasynyń ósýin tejeý máselelerin úılestirý jónindegi tapsyrmalaryn iske asyrý» atty baspasóz máslıhaty ótedi. Spıkerler: QR Saýda jáne ıntegratsııa vıtse-mınıstri Erjan Qazanbaev, QR Básekelestikti qorǵaý jáne damytý agenttigi Ónerkásip jáne agroónerkásiptik keshen departamentiniń dırektory Ásem Nurmaǵambetova jáne Nur-Sultan qalasynyń Investıtsııalar jáne kásipkerlikti damytý basqarmasy basshysynyń orynbasary Gúlmıra Ermoldına, QR Aýyl sharýashylyǵy mınıstrligi Agrarlyq azyq-túlik naryǵy, organıkalyq ónim jáne tehnıkalyq retteý departamentiniń dırektory Erjan Tóleýtaev.
15.00-de QR QK Ulttyq áskerı patrıottyq ortalyǵynda Qazaqstan Táýelsizdiginiń 30 jyldyǵyna oraı, Nur-Sultan qalasy ákimdigi, «Astana jastary» KMM, QR Qarýly Kúshteriniń Ulttyq áskerı-patrıottyq ortalyǵynyń jáne Nur-Sultan qalasy qorǵanys isteri departamentiniń qoldaýymen «Jas Sarbaz – Táýelsizdik tiregi» jobasynyń jabylý saltanaty ótedi.
16.30-da QR Prezıdenti janyndaǵy Ortalyq kommýnıkatsııalar qyzmetinde «Múmkindigi shekteýli azamattarǵa kedergisiz orta qurý týraly» baspasóz máslıhaty ótedi. Spıkerler: QR EHÁQM Eńbek, áleýmettik qorǵaý jáne kóshi-qon komıteti tóraǵasynyń orynbasary Anarhan Dúısenova, QR IIDM temir jol kóligi jáne jolaýshylar tasymaly basqarmasynyń basshysy Eldos Nestaı.
17.00-de TúrkPA Hatshylyǵynyń bas hatshysy Mehmet Sıýreııa Er bastaǵan delegatsııasy QR Tuńǵysh Prezıdenti – Elbasy kitaphanasyna resmı saparmen keledi. Sapar barysynda Elbasy kitaphanasy men túrkitildes memleketterdiń Parlamenttik Assambleıasy (TURKPA) yntymaqtastyq memorandýmyna qol qoıady.
