23 qarasha. Tulǵalar týǵan kún
Búgin, 23 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
71 jyl buryn (1954) akter, teatr rejısseri, kınorejısser, kınodramatýrg, Kazaqstannń halyq ártisi Talǵat Dosymǵalıuly TEMENOV dúnıege keldi.
Almaty oblysynyń Eńbekshiqazaq aýdanynda týǵan. Almaty memlekettik konservatorııasynyń teatr bólimin, Máskeýdegi burynǵy KSRO Memlekettik kıno janyndaǵy joǵary rejısserler men stsenarııshiler kýrsyn bitirgen.
Taldyqorǵan oblystyq drama teatry trýppasynyń akteri, «Qazaqfılm» stýdııasynda rejısserdiń kómekshisi ári stsenarııshi, kınorejısseri, qoıýshy kınorejısseri, «Mosfılm» stýdııasynyń kınorejısseri qyzmetterin atqarǵan.
1994-2000 jyldary Almaty memlekettik teatr jáne kıno ınstıtýtynyń (Qazaq ulttyq óner akademııasy) rektory, 2000-2004 jyldary «Qazaqfılm» kınokompanııasynyń kórkemdik jetekshisi, 2005 jyly Qazaqtyń memlekettik akademııalyq jastar men balalar teatrynyń dırektory, 2014 jyly Q. Qýanyshbaev atyndaǵy qazaq akademııalyq mýzykalyq drama teatrynyń kórkemdik jetekshisi boldy.
Alǵash qoıǵan «Adamdar arasyndaǵy bóltirik» atty tolyq metrajdy kórkem fılmi Frankfýrt qalasynda ótken XV Halyqaralyq kınofestıvaldiń Gran-prı, Italııada «Kúmis aıý» júldesine jáne Portýgalııada ótken Halyqaralyq kınofestıvaliniń arnaıy júldesine ıe boldy.
Onyń ózi jazǵan stsenarııi boıynsha qoıǵan kórkem fılmderi qatarynda «Shańyraq», «Qaıdasyń sen, Chapaı?», «Toro», «Adamdar arasyndaǵy bóltirik», «Qyzǵysh qus», «Mahabbat beketi». «Alma baǵy», «Kógildir taksı» (S. Smataevpen birigip) pesalar jazǵan.
Tarıhı taqyrypqa qoıylǵan «Kóshpendiler» fılmine rejısser retinde qatysqan. «Qaıyrly tań» jáne «Gúlnaz», «Oı jasyn» atty povester men áńgimeler jınaǵynyń avtory.
«Qurmet» ordenimen marapattalǵan. «Qazaqstannyń eńbek sińirgen qaıratkeri» (1993).
67 jyl buryn (1958) «Ahyska» túrik etnomádenı ortalyǵynyń prezıdenti Zııatdın Ismıhanuly QASANOV dúnıege keldi.
Almaty qalasynda týǵan. Almaty halyq sharýashylyǵy ınstıtýtyn bitirgen.
Eńbek joly: 1981-1995 jyldary QazKSR melıoratsııa jáne sý sharýashylyǵy mınıstrligi júıesinde ártúrli qyzmetter atqardy. 1992 jyldan sheteldik kapıtaldy tarta otyryp, birqatar iri kásiporyndar qurdy. Ótken kezeńde ol «Kassanov Investment Group» brendimen ártúrli salada 70-ten astam serpindi damyp otyrǵan kásiporyndardy biriktirdi.
1999 jyldan «Ahyska» túrik etnomádenı ortalyǵynyń prezıdenti.
«Qurmet» (2004) ordenimen, 2005 jyly Eýropa jaratylystaný ǵylymy akademııasynyń «Altyn qyran» ordenimen marapattaldy, oǵan Eýropalyq «Kún adamy» ýnıversıtetiniń qurmetti ataǵy berilgen.
2006 jyly Túrkııanyń «Túrki áleminde halyqaralyq baılanysty damytýǵa, nyǵaıtýǵa jáne saqtaýǵa qosqan úlesi úshin» syılyǵy berildi.
63 jyl buryn (1962) «QARMET» AQ Bas dırektory Vadım Borısovıch BASIN dúnıege keldi.
Semeı qalasynda týǵan. 1985 jyly Qaraǵandy polıtehnıkalyq ınstıtýtyn «Taý-ken jumystaryn elektrlendirý jáne avtomattandyrý» mamandyǵy boıynsha, 1990 jyly Tomsk avtomattandyrylǵan basqarý júıeleri jáne radıoelektronıka ınstıtýtyn «Ónerkásiptik elektronıka» mamandyǵy boıynsha bitirgen.
Eńbek joly: 1986-1995 jyldary metallýrgııa kombınatynda elektromonter, 1995-2003 jyldary kombınattyń aglofabrıka elektr jabdyǵy boıynsha tseh bastyǵynyń orynbasary, 2003-2011 jyldary «ArselorMıttal Temirtaý» AQ bas energetıgi, 2011-2013 jyldary «ArselorMıttal Temirtaý» AQ jóndeý jónindegi dırektory bolyp jumys atqarǵan. 2013 jyly «ArselorMıttal Temirtaý» AQ jóndeý jónindegi atqarýshy dırektorynyń orynbasary boldy. 2017-2021 jyldary «ArselorMıttal Temirtaý» AQ atqarýshy dırektory, 2021-2023 jyldary Qaraǵandy oblysy ákiminiń orynbasary, Qaraǵandy oblysy ákiminiń birinshi orynbasary laýazymyn atqardy. 2023 jyly «Arselor Mıttal Temirtaý» AQ basshysynyń m. a. qyzmetinde boldy.
Qazirgi qyzmetin 2023 jyldyń jeltoqsan aıynan bastap atqaryp keledi.
«Otan», «Qurmet» ordenderimen marapattalǵan. «Qazaqstannyń Eńbek Eri» ataǵyna ıe.
48 jyl buryn (1977) QR Qarjy mınıstrliginiń Memlekettik múlik jáne jekeshelendirý komıtetiniń tóraǵasy Erǵalı Qýandyquly EGEMBERDІ dúnıege keldi.
Shymkent qalasynda týǵan. Qazaq memlekettik zań akademııasyn, L. N. Gýmılev atyndaǵy Eýrazııa ulttyq ýnıversıtetin, Dıplomatııalyq akademııany bitirgen, Boston ýnıversıtetiniń (AQSh) túlegi. Saıasattaný ǵylymynyń kandıdaty.
Eńbek joly: 1998-2000 jyldary Astana qalasy Qarjy basqarmasynyń zańgeri, 2000-2001 jyldary Astana qalasy ákimdigi apparatynyń memlekettik-quqyqtyq bóliminiń bas mamany, 2001-2002 jyldary «Astana — jańa qala» erkin ekonomıkalyq aımaǵy Bas dırektsııasynyń monıtorıng esebi jáne quqyqtyq qamtamasyz etý bóliminiń bastyǵy, Astana qalasy ákimdiginiń Saýda basqarmasy bastyǵynyń orynbasary qyzmetin atqarǵan. 2002-2003 jyldary QR Kólik jáne kommýnıkatsııa mınıstrligi Baılanys jáne aqparat komıtetiniń Býhgalterlik esep, uıymdastyrý jáne quqyqtyq jumys basqarmasy Zań jáne kadr jumysy bóliminiń bastyǵy, 2004 jyly Astana qalasy Turǵyn úı departamenti bastyǵynyń orynbasary, 2004-2006 jyldary Astana qalasy Saryarqa aýdany ákiminiń orynbasary, 2006-2007 jyldary Qaraǵandy oblysy Birjolǵy talondar berý basqarmasynyń bastyǵy, 2007-2008 jyldary Qaraǵandy qalasy ákiminiń orynbasary, 2008-2009 jyldary Qaraǵandy qalasynyń Qazybek bı atyndaǵy aýdan ákimi, 2009-2010 jyldary Qaraǵandy oblysy ákimi apparatynyń basshysy laýazymyn atqarǵan. 2010-2012 jyldary QR Premer-Mınıstri Keńsesiniń uıymdastyrý jumysy jáne aýmaqtyq damý bóliminiń bas ınspektory, 2012 jyly QR Parlamenti Májilisi apparatynyń basshysy, 2012-2013 jyldary QR Eńbek jáne halyqty áleýmettik qorǵaý vıtse-mınıstri, 2014 jyldyń tamyz aıynan bastap QR Densaýlyq saqtaý jáne áleýmettik damý mınıstriniń orynbasary bolǵan. 2017-2018 jyldary Astana qalasy ekonomıka jáne bıýdjettik josparlaý basqarmasynyń basshysy, 2018-2019 jyldary QR Prezıdenti Ákimshiligi Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, 2019 jyly Astana qalasy Saryarqa aýdanynyń ákimi qyzmetin atqardy. 2019-2020 jyldary Nur-Sultan qalasy Saryarqa aýdanynyń ákimi, 2020-2022 jyldary QR Prezıdenti Ákimshiliginiń memlekettik ınspektory, 2022-2023 jyldary QR Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bólimi meńgerýshisiniń orynbasary laýazymyn atqarǵan. 2023-2025 jyldary QR Qarjy mınıstrligi apparatynyń basshysy boldy.
2025 jyldyń mamyrynan beri qazirgi qyzmetinde.
47 jyl buryn (1978) Soltústik Qazaqstan oblysy Ǵabıt Músirepov atyndaǵy aýdan ákimi Rýslan Ákimjanuly AŃBAEV dúnıege keldi.
SQO Tımırıazev aýdany Tselınnoe eldi mekeninde týǵan. M. Qozybaev atyndaǵy Soltústik Qazaqstan memlekettik ýnıversıtetin támamdaǵan. Mamandyǵy — ekonomıst-menedjer, agronom jáne ıýrısprýdentsııa bakalavry.
Eńbek jolyn 1999 jyly Tımırıazev aýdanynda aýdıt bóliminiń aǵa salyq ınspektory bolyp bastaǵan. 2002-2015 jyldary Esil, Taıynsha, Tımırıazev aýdandarynda salyq qyzmetinde túrli laýazymdardy atqardy. 2015-2019 jyldary SQO ákimi apparaty jetekshisiniń orynbasary boldy. 2019-2020 jyldary Mamlıýt aýdanyn basqarsa, 2020-2022 jyldary Taıynsha aýdanynyń ákimi boldy. 2022-2023 jyldary — Petropavl qalasynyń ákimi.
2023 jyldyń shilde aıynan bastap qazirgi qyzmetinde.
43 jyl buryn (1982) Abaı oblysy polıtsııa departamentiniń basshysy Eldar Nurlanuly DANIıAROV dúnıege keldi.
Qaraǵandy qalasynyń týmasy. 2007 jyly S. Amanjolov atyndaǵy Shyǵys Qazaqstan memlekettik ýnıversıtetin «quqyqtaný» mamandyǵy boıynsha támamdaǵan.
Eńbek joly: 2009-2010 jyldary Astana qalasy Іshki ister departamenti JPB jol polıtsııasy jekelegen mamandandyrylǵan batalonynyń aǵa ınspektory, 2010-2014 jyldary Astana qalasy Іshki ister departamenti Jol polıtsııasy basqarmasy tirkeý-emtıhan bóliminiń memavtoınspektory, 2014-2015 jyldary Astana qalasy Іshki ister departamenti Ákimshilik polıtsııa basqarmasy tirkeý-emtıhan jumystary bóliminiń aǵa memavtoınspektory, 2015-2016 jyldary Astana qalasy Іshki ister departamenti Ákimshilik polıtsııa basqarmasy tirkeý-emtıhan bólimi bastyǵynyń orynbasary, 2016-2019 jyldary Astana qalasy Іshki ister departamenti Jol polıtsııasy basqarmasy tirkeý-emtıhan bóliminiń bastyǵy, 2019-2021 jyldary Nur-Sultan qalasy Polıtsııa departamenti Tylmen qamtamasyz etý basqarmasy bastyǵynyń orynbasary bolyp qyzmet atqarǵan. 2021-2022 jyldary Nur-Sultan qalasy Polıtsııa departamenti Tylmen qamtamasyz etý basqarmasynyń bastyǵy, 2022-2024 jyldary bastap Astana qalasy Polıtsııa departamenti bastyǵynyń orynbasary bolyp jumys atqarǵan. 2024-2025 jyldary Astana qalasy Polıtsııa departamenti bastyǵynyń birinshi orynbasary bolyp qyzmet atqardy.
Qazirgi qyzmetine 2025 jylǵy qyrkúıek aıynda kiristi.
41 jyl buryn (1984) Qostanaı oblysy ákimdigi mádenıet basqarmasynyń basshysy Quralbek Búrkitbaıuly ATAMURATOV dúnıege keldi.
Almaty qalasynda týǵan. 2005 jyly L. N. Gýmılev atyndaǵy Eýrazııa ulttyq ýnıversıtetin qoǵammen baılanys mamandyǵy boıynsha bitirgen.
Eńbek joly: 2005-2006 jyldaryQR Mádenıet, aqparat jáne sport mınıstrliginiń áleýmettik tehnologııalar basqarmasynyń jetekshi mamany, 2006-2008 jyldary QR Mádenıet jáne aqparat mınıstrligi Qoǵamdyq-saıası jumys jáne qoǵammen baılanys departamentiniń saıası josparlaý bóliminiń jetekshi mamany, 2008-2009 jyldary QR Mádenıet jáne aqparat mınıstrligi hatshylyǵynyń sarapshysy, 2010-2011 jyldary «Azyq-túlik kelisimshart korporatsııasy» UK» AQ úılestirý basqarmasynyń sarapshysy, 2011-2012 jyldary «Azyq-túlik kelisim-shart korporatsııasy» UK» AQ úılestirý basqarmasynyń baspasóz hatshysy, 2013-2018 jyldary «Sana Media» JShS bas dırektory, 2018-2019 jyldary «Sana Media» JShS bas dırektorynyń orynbasary, 2019 jyly Soltústik Qazaqstan oblysy ákimi apparatynyń ınspektory, 2019-2020 jyldary Soltústik Qazaqstan oblysy ákimdiginiń mádenıet, arhıvter jáne qujattama basqarmasynyń basshysy, 2020 jyly Soltústik Qazaqstan oblysy ákimi apparaty basshysynyń orynbasary, 2020-2021 jyldary «Alash Production» JShS bas dırektory bolyp qyzmet atqardy.
Qazirgi laýazymyn 2023 jyldyń mamyr aıynan beri atqaryp keledi.
40 jyl buryn (1985) QR Básekelestikti qorǵaý jáne damytý agenttigi Tóraǵasynyń orynbasary Erlan Ibragımuly ÁLJAN dúnıege keldi.
2008 jyly Qaraǵandy «Bolashaq» ózekti bilim berý ınstıtýtyn Quqyqtaný mamandyǵy boıynsha, 2014 jyly Qaraǵandy «Bolashaq» ýnıversıtetin Qarjy mamandyǵy boıynsha, 2018 jyly óńirlik áleýmettik-ınnovatsııalyq ýnıversıtetin zań ǵylymdarynyń magıstri mamandyǵy boıynsha bitirgen.
Eńbek joly: 2009-2011 jyldary Qaraǵandy qalasy boıynsha Ádilet basqarmasynyń halyqty qujattandyrý jáne tirkeý bóliminiń jetekshi mamany bolyp jumys istegen. 2011-2012 jyldary Qaraǵandy oblysy oblystyq soty keńsesiniń № 2 Shet aýdandyq soty keńsesiniń sot otyrysynyń bas mamany-hatshysy bolǵan. 2012-2013 jyldary QR Básekelestikti qorǵaý Agenttiginiń Qaraǵandy oblysy boıynsha monopolııaǵa qarsy ınspektsııany tergeý jáne quqyqtyq qamtamasyz etý bóliminiń bas mamany qyzmetin atqarǵan. 2013-2014 jyldary QR Básekelestikti qorǵaý agenttiginiń (monopolııaǵa qarsy agenttik) zań qyzmeti departamentiniń talap qoıý jumysy basqarmasynyń sarapshysy, bas sarapshysy laýazymynda bolǵan. 2014-2019 jyldary QR Ulttyq ekonomıka mınıstrligi Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý Komıtetiniń baqylaý jáne narazylyq-talap-aryz jumysy basqarmasynyń bas sarapshysy, basshysy bolǵan. 2020-2022 jyldary Básekelestikti qorǵaý jáne damytý agenttiginiń tergeý departamentiniń dırektory qyzmetin atqardy.
Qazirgi laýazymyna 2023 jylǵy qańtar aıynda taǵaıyndaldy.