23 qańtardan bastap Qaraǵandy oblysynda karantın shekteýi kúsheıtiledi
QARAǴANDY. QazAqparat - Qaraǵandy oblysynda aýdany 2 myń sharshy metrden asatyn saýda ortalyqtarynyń jumysyna tyıym salynady, demalys kúnderi qalaaralyq avtobýstardyń qozǵalysy toqtatylady. Osy jáne basqa da shekteýler 23 qańtar kúni saǵat 00:00-den bastap oblys aýmaǵynda engiziledi, dep habaplaıdy QazAqparat tilshisi.
Bul týraly Saryarqa YouTube-arnasynda ótken brıfıngide óńirdiń bas memlekettik sanıtarlyq dárigeri ıÝrıı Zalygın málimdedi.
«Osy jyldyń qańtar aıynda óńirde koronavırýs ınfektsııasyn juqtyrǵandar 44%-ǵa nemese ótken aıdyń sáıkes kezeńimen salystyrǵanda 1,4 ese ósýi baıqalady. 18 qańtardan bastap Qaraǵandy oblysy «sary» aımaqqa endi. Osyǵan baılanysty birqatar shekteý sharasyn engizý týraly sheshim qabyldandy», - dedi oblystyń bas sanıtarlyq dárigeri.
HQKO, bank jáne «Qazposhta» bólimsheleriniń jumysy 09.00-den 18.00-ge deıin qysqarady. Olar aldyn-ala jazylý boıynsha (áleýmettik qashyqty, maska rejımin, termometrııany saqtaı otyryp, sanıtarlyq-dezınfektsııalyq rejımdi kúsheıte otyryp) jumys isteıdi .
Qyzmetkerler sany 15 jáne odan da kóp uıymdar shtatynyń 60% qashyqtan jumys isteý formatyna aýystyrylady.
Qoǵamdyq tamaqtaný nysandarynyń jumys, mereke jáne demalys kúnderi jumys isteý rejımi saǵat 07.00-den 22.00-ge deıin shekteledi. Toltyrylýy 50%-dan aspaýy tıis (50 otyratyn orynnan artyq emes). Ujymdyq jáne eske alý is-sharary ótkizilmeıdi.
Tamaqty ózimen alyp ketý jáne jetkizý ýaqyty shektelmeıdi.
Mádenıet nysandarynyń qyzmeti tolymdylyǵy 20%-dan aspaıtyn jaǵdaıda júzege asyrylady. Daıyndyq tek 30 adamnan aspaıtyn jaǵdaıda ǵana múmkin bolady.
Kınoteatrlar kórermendermen tolyǵýy 20%-dan aspaǵan jaǵdaıda jumys isteı alady (30 adamǵa deıin).
65 jastan asqan adamdarǵa asa qajet bolmasa tysqa shyǵý shekteldi.
Jeksenbide jabyq azyq-túlik jáne azyq-túlik emes bazar, saýna, monsha, SPA ortalyq, massaj salony, OSO, SÚ, aýdany 2 000 sharshy metrden asatyn saýda jelilerinde azyq-túlik sýpermarketi, dárihana, sán salony men hımııalyq tazartý oryndarynan basqalarynyń qyzmeti toqtatylady.
Jumys kúnderi saýna, monsha, SPA jáne massaj salony 09.00-den 20.00-ge deıin jumys isteı alady.
Senbi jáne jeksenbi kúnderi oblysishilik qalaaralyq turaqty jolaýshylar tasymalynyń qozǵalysy toqtatylady:
Qaraǵandy-Temirtaý - Qaraǵandy, Qaraǵandy - Saran - Qaraǵandy, Qaraǵandy - Abaı - Qaraǵandy, Qaraǵandy - Shahtınsk - Qaraǵandy, Qaraǵandy - Shaqan - Qaraǵandy, Qaraǵandy - Topar-Qaraǵandy.
«Koronavırýstyń aldyn-alý kóbinese ózimizge baılanysty. Maskany kıip júrý eki, tipti úsh esege deıin aýrýdyń aldyn alý múmkindigin arttyrady. Tek kúsh-jigerimizdi biriktire otyryp, biz osy indetpen kúreste, onyń ishinde bizdiń ómirimiz úshin, týystarymyzdyń ómiri men densaýlyǵy úshin kúreste nátıjege qol jetkize alamyz», - dedi ıÝrıı Zalygın oblys turǵyndaryna.
