23 qańtarda respýblıka boıynsha qaı joldar jabyq

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń dereginshe, aýa raıynyń qolaısyzdyǵyna baılanysty respýblıkalyq mańyzy bar birqatar avtojolda jolaýshylar tasymaldaıtyn avtobýstar men dızel qozǵaltqyshy bar kólikter úshin qozǵalys shekteldi:

Aqtóbe oblysy

• «Qostanaı — Rýdnyı — Denısovka — Komsomolskoe — Qarabutaq» avtojolynyń 5-234-shaqyrymy (Qarabutaq aýyly — Qostanaı oblysynyń shekarasy).

Qostanaı oblysy

• «Qostanaı — Rýdnyı — Denısovka — Komsomolskoe — Qarabutaq» avtojolynyń 234-501-shaqyrymy;

• «Qostanaı — Áýlıekól — Surǵan» avtojolynyń 8-232-shaqyrymy;

• «Astana — Atbasar — Jaqsy — Rýzaevka — Sarykól — Qostanaı (aınalma) — RF shekarasy (Qaıraq ótkizý beketi)» avtojolynyń birneshe ýchaskesi; 

• «Jezqazǵan — Arqalyq — Petropavl» jáne «Mamlıýtka — Qostanaı» baǵyttaryndaǵy ýchaskeler.

Aqmola oblysy

• «Jezqazǵan — Arqalyq — Petropavl»,

• «Qostanaı — Áýlıekól — Surǵan», 

• «Jaqsy — Esil — Buzylyq», 

• «Astana — Kókshetaý — Petropavl — RF shekarasy»,

• «Kókshetaý — Rýzaevka»,

• «Şýchınsk — Zerendi»,

• «Kókshetaý — Atbasar»,

• «Makınsk — Aqsý — Torǵaı», 

• «Astana aınalma joly»,

• «Astana — Qorǵaljyń»,

• Býrabaı kýrorttyq aımaǵynyń joldary jáne oǵan kireberis joldarda qozǵalys shekteldi.

Jabyq joldar

Aýa raıynyń qolaısyzdyǵyna baılanysty myna óńirlerde kóliktiń barlyq túriniń qozǵalysy shekteldi:

Almaty oblysy

• «Qordaı asýynyń jańa aınalma joly» ýchaskesinde (59-143-shaqyrym).

Jambyl oblysy

• osy baǵyttaǵy 143-214, 159-238 jáne 534-593-shaqyrym aralyǵyndaǵy ýchaskeler.

Túrkistan oblysy

• 593-654-shaqyrym aralyǵy (Jambyl oblysynyń shekarasy — Mashat aýyly).

Aqmola oblysy

• «Astana — Shiderti — Pavlodar — Ýspenka — RF shekarasy» avtojolynyń 16-200-shaqyrymy.

Pavlodar oblysy

• osy joldyń 200-254-shaqyrymy.

Sonymen qatar, Pavlodar oblysynda «Astana — Shiderti — Pavlodar — Ýspenka — RF shekarasy» avtojolyndaǵy kólik aıryǵynyń shetki arqalyqtary zaqymdanýyna baılanysty «Qalqaman» aıryǵy ýchaskesinde Qalqaman eldi mekenine kireberis pen Astana baǵytyna shyǵatyn jol jabyq.

Aýa raıy

2026 jylǵy 23 qańtarda Aqmola, Qaraǵandy, Batys Qazaqstan, Shyǵys Qazaqstan, Qostanaı, Jambyl, Túrkistan, Aqtóbe, Qyzylorda, Atyraý, Abaı, Mańǵystaý, Ulytaý, Jetisý, Almaty jáne Pavlodar oblystarynyń keı jerinde qar jaýyp, boran soǵady.

— Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz, — delingen habarlamada.

Eske salaıyq, búgin, 23 qańtarda Qazaqstannyń 15 óńirinde aýa raıyna baılanysty eskertý jasaldy.