23 qańtarda Qazaqstannyń eki qalasynda aýa sapasy nasharlaıdy
ASTANA. QazAqparat - Sársenbi, 23 qańtar kúni meteorologııalyq jaǵdaı elimizdiń eki qalasynda atmosferada lastaýshy zattardyń shoǵyrlanýyna yqpal etedi, dep habarlaıdy QazAqparat.
«Qazgıdromet» RMK-nyń málimetinshe, Astana jáne Oral qalalarynda aýa sapasynyń nasharlaıtyny kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
