23 qańtarda elordalyq oqýshylar men stýdentter onlaın formatta oqıdy

ASTANA. KAZINFORM — Bul týraly Astana qalasy Bilim basqarmasynyń baspasóz qyzmeti habarlady.

Vedomstvo málimetinshe, aýa raıynyń qolaısyzdyǵyna baılanysty oqýshylar ekinshi kún qatarynan qashyqtan oqıdy. Erteń olarmen qosa stýdentterdiń de oqýy onlaın formatqa aýystyryldy.

— 2025 jylǵy 23 qańtar kúni aýa raıynyń qolaısyzdyǵyna baılanysty birinshi aýysymnyń 0-11 (12)synyp oqýshylary jáne kolledjderdiń 1-2 kýrstyń stýdentteri (9 synyp bazasynda) qashyqtan oqytý formatyna aýystyrylady, — delingen taratylǵan aqparatta.

Osyǵan deıin habarlanǵandaı, Shyǵys Qazaqstan oblysynda 100-den asa kólik qar qursaýynda qalyp qoıǵan.