23 qańtarda el aýmaǵynyń basym bóliginde qar jaýyp, jel kúsheıedi
ASTANA. QazAqparat - 23 qańtarda Qazaqstannyń barlyq aýmaǵynda aýa raıy qubylmaly bolady, atmosferalyq aǵyndardyń ótýine baılanysty qar jaýady, dep habarlaıdy qazAqparat Qazgıdrometke silteme jasap.
Respýblıkanyń keı jerlerinde tuman, kóktaıǵaq, burqasyn, jeldiń kúsheıýi saqtalady.
Qostanaı oblysynda burqasyn, kóktaıǵaq bolýy yqtımal, jeldiń jyldamdyǵy 15-20 m/s jetedi. Soltústik Qazaqstan oblysynyń keı jerlerinde tuman, kóktaıǵaq, burqasyn bolady, jel 15-20 m/s kúsheıedi.
Aqtóbe oblysynyń keı jerlerinde burqasyn, kóktaıǵaq kútiledi, jeldiń jyldamdyǵy 15-20 m/s.
Aqmola oblysynyń keı jerlerinde tuman, burqasyn kútiledi, jel 15-20 m/s kúsheıedi.
Shyǵys Qazaqstan oblysynyń keı jerlerinde jel soǵyp, jyldamdyǵy 15-20 m/s jetedi, túnde keı jerlerinde tuman bolady.
Jambyl oblysynyń keı jerlerinde tuman, kóktaıǵaq, jaıaý burqasyn kútiledi.
Mańǵystaý, Atyraý oblystarynyń keı jerlerinde tuman, kóktaıǵaq.
Almaty, Túrkistan, Qyzylorda, Batys Qazaqstan, Qaraǵandy oblystarynyń keı jerlerinde tuman túsýi múmkin.
