23 qańtar. Tulǵalar týǵan kún
Búgin, 23 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
62 jyl buryn (1962) Qurmanǵazy atyndaǵy Qazaq ulttyq konservatorııasy dombyra kafedrasynyń dotsenti, kúıshi-dombyrashy, Qazaqstannyń eńbek sińirgen ártisi Aıgúl Narımanqyzy ÚLKENBAEVA dúnıege keldi.
Atyraý oblysy Isataı aýdany Chapaev aýylynda týǵan. Almaty qalasyndaǵy mýzyka ýchılışesin (1981, pedagogi T. Bádilov), odan keıin Almaty memlekettik konservatorııasynyń (qazirgi Qazaq ulttyq konservatorııasy) halyq aspaptary fakýltetin (1986, professor A. Jaıymovtyń jetekshiligimen) bitirgen.
1989-1991 jyldary osy konservatorııanyń assıstentýra-stajırovkasynan ótti. Shyǵarmashylyq eńbek jolyn oqyp júrgen kezinen Qazaqtyń akademııalyq halyq aspaptar orkestri quramynda (1979-1989) dombyrashy bolýmen bastaǵan Úlkenbaeva solo-oryndaýshyǵa deıingi úzdik kásiptik-sheberlik bıigine kóterildi. Onyń repertýarynda halyq kúıleri («Aqsaq qulan», «El aırylǵan», t.b.), qazaqtyń halyq kompozıtorlary (Dáýletkereı, Dına Nurpeıisova, Qazanǵap, Qurmanǵazy, Mahambet, sondaı-aq mańǵystaýlyq kúıshiler: Esbaı, Esir, Qulshar, Óskenbaı, t.b.), osy zamanǵy kompozıtorlar (N. Tilendıevtiń «Aqqýy», A. Jaıymovtyń «Kúı anasy» men «Shalqymasy») shyǵarmalary men shet el klassıkalyq týyndylary bar.
1993 jyldan Qazaq ulttyq konservatorııasynda (2002 jyldan dotsent) jáne 2006 jyldan «Aıgúl Úlkenbaevanyń mektep-stýdııasynda» (ózi uıymdastyrǵan) ustazdyq qyzmetpen aınalysady.
53 jyl buryn (1971) Qazaqstan Respýblıkasy Prezıdenti janyndaǵy memlekettik basqarý akademııasynyń professory, QR SІM qyzmeti máselelir jónindegi qoǵamdyq keńestiń múshesi Marıan Asarqyzy ÁBІShEVA dúnıege keldi.
Shymkent qalasynda týǵan. Ál-Farabı atyndaǵy Qazaq ulttyq ýnıversıtetiniń fılosofııa bólimin bitirgen.
1995 jyldan Almaty temirjol kóligi ınjenerleri ınstıtýtynda fılosofııa jáne áleýmettaný kafedrasynyń assıstenti. 1995-1996 jyldary Almaty memlekettik medıtsına ınstıtýtynda qoǵamdyq pánder kafedrasynyń assıstenti. 1997-2005 jyldary ál-Farabı atyndaǵy Qazaq ulttyq ýnıversıtetinde halyqaralyq baılanystar basqarmasynda І sanatty maman, halyqaralyq baılanystar bóliminiń jetekshi mamany, halyqaralyq ǵylymı-mádenı baılanystar bóliminiń bastyǵy. 2005 jylǵy aqpannan QR Prezıdenti janyndaǵy Qazaqstan strategııalyq zertteýler ınstıtýtynda ǵalym-hatshy. 2005 jyldan QR Prezıdenti janyndaǵy Qazaqstan strategııalyq zertteýler ınstıtýty dırektorynyń ǵylym jónindegi orynbasary boldy. 2014-2015 jyldary QR Tuńǵysh Prezıdenti – Elbasy kitaphanasynyń halyqaralyq jáne ulttyq jobalar qyzmetiniń jetekshisi bolǵan.
43 jyl buryn (1981) «QazAzot» AQ bas dırektory Arman Ahmetjanuly MÁÝLEShEV dúnıege keldi.
Batys Qazaqstan oblysynda týǵan.
T.Rysqulov atyndaǵy Qazaq ekonomıkalyq ýnıversıtetin «Qarjy jáne nesıe» mamandyǵy boıynsha, Q.Sátbaev atyndaǵy QazUTÝ «Halyqaralyq munaı bıznesi» mamandyǵyn, Gýbkın atyndaǵy Reseı memlekettik munaı jáne gaz ýnıversıtetin «Munaı jáne gaz bıznesin basqarý» mamandyǵy boıynsha bitirgen.
Eńbek joly: 2003-2007 jyldary «Ózenmunaıgaz» AQ menedjeri, 2007-2012 jyldary «OrdabasyMunaıGaz» AQ marketıng jónindegi dırektory, 2013-2018 jyldary «Maten Petroleým» AQ marketıng jónindegi dırektory, Munaı daıyndaý termınaly kompanııasynyń bas dırektory boldy.
2018 jyldyń shilde aıynan bastap qazirgi qyzmetinde.
41 jyl buryn (1983) Qazaqstan Respýblıkasy Ǵylym jáne joǵary bilim mınıstrliginiń resmı ókili - mınıstrdiń baspasóz hatshysy Erjan Halıuly BAITANAEV dúnıege keldi.
Jambyl oblysynda týǵan.
A.ıAssaýı atyndaǵy MKTÝ «Qazaq tiliniń fılology» mamandyǵy, A.ıAssaýı atyndaǵy MKTÝ «Memlekettik basqarý» mamandyǵy, TIGÝ quqyqtaný fakýlteti bitirgen, Reseı Federatsııasy Prezıdentiniń janyndaǵy Reseı halyq sharýashylyǵy jáne memlekettik qyzmet akademııasynyń «Zań ǵylymdarynyń magıstri».
Eńbek joly: 2001-2003 jyldary oblystyq jáne respýblıkalyq BAQ-taǵy jumys, 2004-2007 jyldary KTK telearnasynyń Jambyl oblysy jáne Astana qalasy boıynsha menshikti tilshisi, zań baǵdarlamalarynyń redaktory, 2008-2013 jyldary Qazaqstan Respýblıkasy Qarjy mınıstrligi Kedendik baqylaý komıtetiniń resmı ókili - Baspasóz qyzmetiniń basshysy, 2013-2014 jyldary QR Prezıdenti janyndaǵy Memlekettik basqarý akademııasynyń resmı ókili, 2016-2017 jyldary QR Din isteri jáne azamattyq qoǵam mınıstrliginiń baspasóz qyzmetiniń basshysy, 2017-2018 jyldary Aýyl sharýashylyǵy mınıstrligi qoǵammen baılanys basqarmasynyń basshysy, 2018-2019 jyldary «QTJ» UK» AQ fılıalynyń baspasóz hatshysy, 2019-2022 jyldary Sanıtarlyq-epıdemıologııalyq baqylaý komıtetiniń resmı ókili – qoǵammen baılanys bóliminiń basshysy, 2022-2023 jyldary Aqtóbe oblysy ákimi apparaty basshysynyń orynbasary – oblys ákiminiń baspasóz hatshysy qyzmetterin atqardy.
2023 jyldyń shilde aıynan beri qazirgi qyzmetinde.
35 jyl buryn (1989) Almaty qalasy Túrksib aýdanynyń ákimi Baqytjan Qojanberdiuly AQJAROV dúnıege keldi.
Ál-Farabı atyndaǵy Qazaq ulttyq ýnıversıtetin halyqaralyq qatynastar bakalavry mamandyǵy boıynsha bitirgen, Fılosofııa ǵylymdarynyń doktory (Phd).
Eńbek joly: 2008-2012 jyldary Jastar saıasatyn damytý memlekettik qorynyń jetekshi mamany, Almaty qalasy Jastar saıasaty máseleleri basqarmasynyń bas mamany, joǵary oqý oryndarymen jáne jastar uıymdarymen jumys bóliminiń basshysy, 2012-2019 jyldary Aqparattyq saıasat jáne BAQ monıtorıngi bóliminiń basshysy, ishki saıasat basqarmasy basshysynyń orynbasary, áleýmettik-mádenı sala basqarmasynyń basshysy, Almaty qalasy ákimi apparaty basshysynyń orynbasary, turǵyn úı jáne turǵyn úı ınspektsııasy bóliminiń basshysy.
2020 jyldyń qańtar aıynan bastap qazirgi qyzmetinde.
Mereıtoılyq medaldarmen marapattalǵan.
