23 qańtar. Tulǵalar týǵan kún
Búgin, 23 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1962) Qurmanǵazy atyndaǵy Qazaq ulttyq konservatorııasy dombyra kafedrasynyń dotsenti, kúıshi-dombyrashy, Qazaqstannyń eńbek sińirgen ártisi Aıgúl Narımanqyzy ÚLKENBAEVA dúnıege keldi.
Atyraý oblysy Isataı aýdany Chapaev aýylynda týǵan. Almaty qalasyndaǵy mýzyka ýchılışesin (1981, pedagogi T. Bádilov), odan keıin Almaty memlekettik konservatorııasynyń (qazirgi Qazaq ulttyq konservatorııasy) halyq aspaptary fakýltetin (1986, professor A. Jaıymovtyń jetekshiligimen) bitirgen.
1989-1991 jyldary osy konservatorııanyń assıstentýra-stajırovkasynan ótti. Shyǵarmashylyq eńbek jolyn oqyp júrgen kezinen Qazaqtyń akademııalyq halyq aspaptar orkestri quramynda (1979-1989) dombyrashy bolýmen bastaǵan Úlkenbaeva solo-oryndaýshyǵa deıingi úzdik kásiptik-sheberlik bıigine kóterildi. Onyń repertýarynda halyq kúıleri («Aqsaq qulan», «El aırylǵan», t. b.), qazaqtyń halyq kompozıtorlary (Dáýletkereı, Dına Nurpeıisova, Qazanǵap, Qurmanǵazy, Mahambet, sondaı-aq mańǵystaýlyq kúıshiler: Esbaı, Esir, Qulshar, Óskenbaı, t. b.), osy zamanǵy kompozıtorlar (N. Tilendıevtiń «Aqqýy», A. Jaıymovtyń «Kúı anasy» men «Shalqymasy») shyǵarmalary men shet el klassıkalyq týyndylary bar.
1993 jyldan Qazaq ulttyq konservatorııasynda (2002 jyldan dotsent) jáne 2006 jyldan «Aıgúl Úlkenbaevanyń mektep-stýdııasynda» (ózi uıymdastyrǵan) ustazdyq qyzmetpen aınalysady.
52 jyl buryn (1974) Qazaqstan Respýblıkasynyń Slovenııa Respýblıkasyndaǵy Tótenshe jáne Ókiletti Elshisi Altaı Ibragımuly ABIBÝLLAEV dúnıege keldi.
Qyzyl-Orda oblysynda dúnıege kelgen. Polshanyń Varshava ýnıversıtetiniń Saıasattaný jáne jýrnalıstıka fakýltetiniń Halyqaralyq qatynastar ınstıtýtyn (1997) halyqaralyq saıası jáne ekonomıkalyq qatynastar mamandyǵy boıynsha halyqaralyq qatynastar magıstri dárejesimen bitirgen. Dıplomatııalyq dárejesi: 2-shi dárejeli Tótenshe jáne Ókiletti Elshi (2022)
Eńbek joly: Qazaqstan Respýblıkasy Syrtqy ister mınıstrliginiń kómekshisi, attashesi (1997-1999); Polshadaǵy Qazaqstan Respýblıkasy Elshiliginiń úshinshi, ekinshi hatshysy (1999-2004); Qazaqstan Respýblıkasy Syrtqy ister mınıstrliginiń keńesshisi (2004-2005); Polshadaǵy Qazaqstan Respýblıkasy Elshiliginiń keńesshisi, keńesshi-mınıstri (2005-2007); Aýstrııa Respýblıkasyndaǵy Qazaqstan Respýblıkasy Elshiliginiń keńesshi-mınıstri (2007-2008); Horvatııadaǵy Qazaqstan Respýblıkasynyń ýaqytsha senimdi ókili (2008-2009); EQYU janyndaǵy Qazaqstan Respýblıkasynyń Turaqty ókildiginiń keńesshi-mınıstri (2008-2009); Avstrııa Respýblıkasyndaǵy Qazaqstan Respýblıkasy Elshiliginiń, Venadaǵy halyqaralyq uıymdar janyndaǵy Qazaqstan Respýblıkasynyń Turaqty ókildiginiń jáne Horvatııadaǵy Qazaqstan Respýblıkasynyń ýaqytsha senimdi ókili (2009-2011); Qazaqstan Respýblıkasy Syrtqy ister mınıstrliginiń Halyqaralyq ister komıteti tóraǵasynyń orynbasary, Halyqaralyq aqparat komıtetiniń tóraǵasy jáne Qazaqstan Respýblıkasy Syrtqy ister mınıstrliginiń resmı ókili (2011-2013); Qazaqstan Respýblıkasy Prezıdenti janyndaǵy Ortalyq kommýnıkatsııalar qyzmeti dırektorynyń orynbasary-resmı ókili (2013-2014); Qazaqstan Respýblıkasy Baılanys jáne aqparat agenttigi tóraǵasynyń orynbasary (2014); «Egemen Qazaqstan» respýblıkalyq gazeti jáne «Qazaqstan» RTRK» AQ Dırektorlar keńesiniń múshesi (2014); Qazaqstan Respýblıkasy Syrtqy ister mınıstrliginiń resmı ókili, Erekshe tapsyrmalar jónindegi elshi (2015-2016); Qazaqstan Respýblıkasynyń Polsha Respýblıkasyndaǵy Tótenshe jáne Ókiletti Elshisi (2016-2017); «Dinaralyq jáne órkenıetaralyq dıalogty damytý ortalyǵy» UAQ Basqarma tóraǵasy, Dırektorlar keńesiniń múshesi (2019-2021); Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi elshisi (2021-2022); Qazaqstan Respýblıkasynyń Horvatııa Respýblıkasyndaǵy Tótenshe jáne Ókiletti Elshisi (2022-2023); Qazaqstan Respýblıkasynyń Bosnııa jáne Gertsegovınadaǵy, Chernogorııadaǵy Tótenshe jáne Ókiletti Elshisi (2022-2023); Polshanyń Varshava qalasyndaǵy WSB Merito ýnıversıtetinde oqytýshy. (2024); Rýmynııadaǵy KMG Rompetrol kompanııasynda GR qyzmetkeri jáne dırektory (2023-2025).
Qazirgi qyzmetin 2025 jyldyń qazan aıynan beri atqaryp keledi.
51 jyl buryn (1975) «Samuryq-Qazyna qurylys» kompanııasy tóraǵasynyń orynbasary Ǵabıdolla Rahmatollauly ÁBDІRAHIMOV dúnıege keldi.
Shymkent oblysynda dúnıege kelgen. Qazaq memlekettik agrarlyq ýnıversıtetin ekonomıst jáne býhgalter mamandyǵy boıynsha bitirgen (1996); «Bolashaq» baǵdarlamasy boıynsha Germanııanyń memlekettik basqarý joǵary mektebin bitirgen, memlekettik basqarý magıstri (1997-1999).
Eńbek joly: Qazaq memlekettik agrarlyq ýnıversıtetinde assıstent (1996-1997); Qazaqstan Respýblıkasy Memlekettik qyzmet isteri agenttiginiń bas mamany, bólim meńgerýshisi, tóraǵasynyń keńesshisi (1999-2001); Qazaqstan Respýblıkasy Memlekettik qyzmet isteri agenttigi tóraǵasynyń orynbasary (2001-2003); Qazaqstan Respýblıkasy Memlekettik qyzmet isteri agenttiginiń tóraǵasy (2003-2005); Qazaqstan Respýblıkasy Memlekettik qyzmet isteri agenttigi tóraǵasynyń birinshi orynbasary (2005-2008); Qazaqstan Respýblıkasy Memlekettik qyzmet isteri agenttiginiń tóraǵasy (2008); Qazaqstan Respýblıkasy Premer-Mınıstri Keńsesiniń basshysy (2008-2012); Qazaqstan Respýblıkasy Básekelestikti qorǵaý agenttiginiń tóraǵasy (2012-2013); Qazaqstan Respýblıkasy Prezıdenti Ákimshiligi basshysynyń orynbasary (2013-2015); Shymkent qalasynyń ákimi (2015-2017); «Nur Otan» partııasynyń hatshysy (2017-2018); Shymkent qalasynyń ákimi (2018-2019); Qazaqstan Respýblıkasy Premer-Mınıstriniń keńesshisi (2019-2021); Qazaqstan Respýblıkasy Mádenıet jáne sport vıtse-mınıstri (2021).
2026 jyldyń qańtarynan beri qazirgi qyzmetinde.
«Qurmet» ordenimen (2006), «Astananyń 10 jyldyǵy» medalimen (2008) marapattalǵan.
49 jyl buryn (1977) Aqtóbe oblysy ákiminiń orynbasary Asylbek Esimhanuly ESENBAEV dúnıege keldi.
Ol Aqtóbe oblysynda týǵan. T.Rysqulov atyndaǵy Qazaq memlekettik basqarý akademııasyn «Ekonomıst» mamandyǵy boıynsha bitirgen (1998). Saıasattaný ǵylymdarynyń kandıdaty.
Eńbek joly: Qazaqstan damý ınstıtýtynyń ǵylymı qyzmetkeri; «Strategııa» taldaý ortalyǵy (2001-2005); Qazaqstan Respýblıkasy Tuńǵysh Prezıdentiniń Qory janyndaǵy Álemdik ekonomıka jáne saıasat ınstıtýtynyń ǵylymı qyzmetkeri; Qazaqstan Respýblıkasynyń Reseı Federatsııasyndaǵy Elshiliginiń keńesshisi (2005-2009); Astana qalasynyń Turǵyn úı-qurylys basqarmasynyń basshysy; Rýhanı Jańǵyrý Qazaqstan qoǵamdyq damý ınstıtýtynyń basqarma tóraǵasy (2009-2022); Astana qalasy Esil aýdanynyń ákimi (2022-2024).
2024 jyldyń aqpanynan beri qazirgi qyzmetinde.
45 jyl buryn (1981) «QazAzot» AQ bas dırektory Arman Ahmetjanuly MÁÝLEShEV dúnıege keldi.
Batys Qazaqstan oblysynda týǵan.
T.Rysqulov atyndaǵy Qazaq ekonomıkalyq ýnıversıtetin «Qarjy jáne nesıe» mamandyǵy boıynsha, Q.Sátbaev atyndaǵy QazUTÝ «Halyqaralyq munaı bıznesi» mamandyǵyn, Gýbkın atyndaǵy Reseı memlekettik munaı jáne gaz ýnıversıtetin «Munaı jáne gaz bıznesin basqarý» mamandyǵy boıynsha bitirgen.
Eńbek joly: 2003-2007 jyldary «Ózenmunaıgaz» AQ menedjeri, 2007-2012 jyldary «OrdabasyMunaıGaz» AQ marketıng jónindegi dırektory, 2013-2018 jyldary «Maten Petroleým» AQ marketıng jónindegi dırektory, Munaı daıyndaý termınaly kompanııasynyń bas dırektory boldy.
2018 jyldyń shilde aıynan bastap qazirgi qyzmetinde.
37 jyl buryn (1989) Almaty qalasy Túrksib aýdanynyń ákimi Baqytjan Qojanberdiuly AQJAROV dúnıege keldi.
Ál-Farabı atyndaǵy Qazaq ulttyq ýnıversıtetin halyqaralyq qatynastar bakalavry mamandyǵy boıynsha bitirgen, Fılosofııa ǵylymdarynyń doktory (Phd).
Eńbek joly: 2008-2012 jyldary Jastar saıasatyn damytý memlekettik qorynyń jetekshi mamany, Almaty qalasy Jastar saıasaty máseleleri basqarmasynyń bas mamany, joǵary oqý oryndarymen jáne jastar uıymdarymen jumys bóliminiń basshysy, 2012-2019 jyldary Aqparattyq saıasat jáne BAQ monıtorıngi bóliminiń basshysy, ishki saıasat basqarmasy basshysynyń orynbasary, áleýmettik-mádenı sala basqarmasynyń basshysy, Almaty qalasy ákimi apparaty basshysynyń orynbasary, turǵyn úı jáne turǵyn úı ınspektsııasy bóliminiń basshysy.
2020 jyldyń qańtar aıynan bastap qazirgi qyzmetinde.