23 qańtar. Týǵan kún ıeleri
ESІMDER
57 jyl buryn (1962) Qurmanǵazy atyndaǵy Qazaq ulttyq konservatorııasynyń dombyra kafedrasynyń dotsenti, kúıshi-dombyrashy, Qazaqstannyń eńbek sińirgen ártisi Aıgúl Narımanqyzy ÚLKENBAEVA dúnıege keldi.
Atyraý oblysy Isataı aýdany Chapaev aýylynda týǵan. Almaty qalasyndaǵy mýzyka ýchılışesin (1981, pedagogy T.Bádilov), odan keıin Almaty memlekettik konservatorııasynyń (qazirgi Qazaq ulttyq konservatorııasy) halyq aspaptary fakýltetin (1986, professor A.T. Jaıymovtyń jetekshiligimen) bitirgen. 1989-1991 jyldary osy konservatorııanyń assıstentýra-stajırovkasynan ótti. Shyǵarmashylyq eńbek jolyn oqyp júrgen kezinen Qazaqtyń akademııalyq halyq aspaptar orkestri quramynda (1979-1989) dombyrashy bolýmen bastaǵan Úlkenbaeva solo-oryndaýshyǵa deıingi úzdik kásiptik-sheberlik bıigine kóterildi. Onyń repertýarynda halyq kúıleri («Aqsaq qulan», «El aırylǵan», t.b.), qazaqtyń halyq kompozıtorlary (Dáýletkereı, Dına Nurpeıisova, Qazanǵap, Qurmanǵazy, Mahambet, sondaı-aq mańǵystaýlyq kúıshiler: Esbaı, Esir, Qulshar, Óskenbaı, t.b.), osy zamanǵy kompozıtorlar (N.Tilendıevtiń «Aqqýy», A.Jaıymovtyń «Kúı anasy» men «Shalqymasy») shyǵarmalary men shet el klassıkalyq týyndylary bar. 1993 jyldan Qazaq ulttyq konservatorııasynda (2002 jyldan dotsent) jáne 2006 jyldan «Aıgúl Úlkenbaevanyń mektep-stýdııasynda» (ózi uıymdastyrǵan) ustazdyq qyzmetpen aınalysady.
48 jyl buryn (1971) Qazaqstan Respýblıkasy Prezıdenti janyndaǵy memlekettik basqarý akademııasy Dıplomatııa ınstıtýtynyń dırektory Marıan Asarqyzy ÁBІShEVA dúnıege keldi.
Shymkent qalasynda týǵan. Ál-Farabı atyndaǵy Qazaq ulttyq ýnıversıtetiniń fılosofııa bólimin bitirgen. 1995 jyldan - Almaty temirjol kóligi ınjenerleri ınstıtýtynda fılosofııa jáne áleýmettaný kafedrasynyń assıstenti. 1995-1996 jyldary - Almaty memlekettik medıtsına ınstıtýtynda qoǵamdyq pánder kafedrasynyń assıstenti. 1997-2005 jyldary - Ál-Farabı atyndaǵy Qazaq ulttyq ýnıversıtetinde halyqaralyq baılanystar basqarmasynda І sanatty maman, halyqaralyq baılanystar bóliminiń jetekshi mamany, halyqaralyq ǵylymı-mádenı baılanystar bóliminiń bastyǵy. 2005 jylǵy aqpannan - QR Prezıdenti janyndaǵy Qazaqstan strategııalyq zertteýler ınstıtýtynda ǵalym-hatshy. 2005 jyldan QR Prezıdenti janyndaǵy Qazaqstan strategııalyq zertteýler ınstıtýty dırektorynyń ǵylym jónindegi orynbasary boldy. 2014-2015 jyldary QR Tuńǵysh Prezıdenti - Elbasy kitaphanasynyń halyqaralyq jáne ulttyq jobalar qyzmetiniń jetekshisi bolǵan.
Qazirgi qyzmetinde - 2015 jyldan beri.
45 jyl buryn (1974) Almaty qalalyq energetıka jáne kommýnaldyq sharýashylyq basqarmasynyń basshysy Maqsut Pernebaıuly ISAQOV dúnıege keldi.
Ońtústik Qazaqstan (qazirgi Túrkistan) oblysy Shardara aýdany Qazaqstan aýylynda týǵan. 1996 jyly Qazaq aýylsharýashylyq ınstıtýtyn «ekonomıst - aýyl sharýashylyǵy ónimderin uıymdastyrý» mamandyǵymen, 1999 jyly D.A.Qonaev atyndaǵy gýmanıtarlyq ınstıtýtty «zańger» mamandyǵymen bitirip shyqty.
1996-2000 jyldary - Ońtústik Qazaqstan oblysy boıynsha ІІD Qylmystyq izdeý basqarmasynyń ishki ister organdarynda qyzmet atqardy. 2000-2005 jyldary - Ońtústik Qazaqstan oblysy boıynsha bas keden basqarmasynyń mamany, aǵa, bas mamany, 2005-2005 jyldary - Almaty oblysy «Dostyq» kedeniniń kedendik rásimdeý bóliminiń bas mamany. 2005-2006 jyldary - Almaty oblysy «Dostyq» kedeniniń kedendik rásimdeý bólimi bastyǵynyń orynbasary. 2006 jyly - Almaty oblysy, «Dostyq» kedeniniń kedendik rásimdeý bóliminiń bastyǵy, Kedendik baqylaý departamentiniń Kontrabandamen kúres basqarmasy tergeý isi jáne ekonomıkalyq qylmyspen kúres bóliminiń maman-tergeýshisi, «Áýejaı - Astana» keden beketiniń bas mamany, 2006-2007 jyldary - «Qaraǵandy - kedendik rásimdeý ortalyǵy» keden beketiniń bastyǵy, 2008 jyly - «Birlestik» ShQ basqarýshy dırektory, «Qazaqstan temir joly» UK» AQ, «Jolaýshylar tasymaly» AQ Memlekettik satyp alýlar jáne jabdyqtaý basqarmasy bastyǵynyń orynbasary, 2008-2009 jyldary - «Qazaqstan temir joly» UK» AQ, «Jolaýshylar tasymaly» AQ Memlekettik satyp alýlar jáne jabdyqtaý basqarmasynyń bastyǵy, 2009-2010 jyldary - «Qazaqstan temir joly» UK» AQ, «Jolaýshylar tasymaly» AQ Memlekettik satyp alýlar jáne jabdyqtaý boıynsha atqarýshy dırektory, 2010-2011 jyldary - «Qazaqstan temir joly» UK» AQ - «Jańa ımportty almastyratyn óndiristi damytý ortalyǵy» fılıalynyń dırektory, 2011-2012 jyldary - Shyǵys Qazaqstan oblysy ákimi apparat basshysynyń orynbasary bolǵan.
2012 jylǵy 26 qańtarda «ShQO Jolaýshylar kóligi jáne avtomobıl joldary basqarmasy» MM bastyǵy laýazymyna taǵaıyndaldy. 2013-2014 jyldary Óskemen qalasy ákiminiń orynbasary, 2014-2017 jyldary QR Qarjy mınıstrligi Memlekettik satyp alýlar komıteti tóraǵasynyń orynbasary, 2017-2018 jyldary Almaty qalalyq jolaýshylar tasymaly jáne avtomobıl joldary basqarmasynyń basshysy qyzmetterin atqarǵan.
Qazirgi qyzmetinde - 2018 jyldyń mamyrynan.
44 jyl buryn (1975) Shymkent qalasynyń ákimi Ǵabıdolla Rahmetollauly ÁBDІRAHYMOV dúnıege keldi.
Ońtústik Qazaqstan oblysy, Saryaǵash aýdany, Derbisek aýylynda týǵan. Qazaq memlekettik agrarlyq ýnıversıtetin, «Bolashaq» baǵdarlamasy boıynsha Nemis joǵary memlekettik basqarý mektebin (Germanııa) bitirgen. Eńbek joly: Qazaq memlekettik agrarlyq ýnıversıtetinde assıstent (1996-1997); Qazaqstan Respýblıkasy Memlekettik qyzmet isteri agenttiginde bas maman, bólim bastyǵy, tóraǵa keńesshisi (1999-2001); Qazaqstan Respýblıkasy Memlekettik qyzmet isteri agenttigi tóraǵasynyń orynbasary (2001-2003); Qazaqstan Respýblıkasy Memlekettik qyzmet isteri agenttiginiń tóraǵasy (2003-2005); Qazaqstan Respýblıkasy Memlekettik qyzmet isteri agenttigi tóraǵasynyń birinshi orynbasary (2005 - 2008); Qazaqstan Respýblıkasy Memlekettik qyzmet isteri agenttigi tóraǵasy (01.2008-10.2008); Qazaqstan Respýblıkasy Premer-Mınıstri Keńsesiniń basshysy (2008-2012); Qazaqstan Respýblıkasy Básekelestikti qorǵaý agenttiginiń tóraǵasy (Monopolııaǵa qarsy agenttik) (2012-2013). Qazaqstan Respýblıkasy Prezıdentiniń «Bolashaq» halyqaralyq stıpendııasynyń túlekteri qaýymdastyǵynyń prezıdenti (2001-2008); Qazaqstan Respýblıkasy Prezıdentiniń janyndaǵy Jastar saıasaty jónindegi keńestiń tóraǵasy (2008 jyldan). 2013-2015 jyldary - Qazaqstan Respýblıkasy Prezıdenti Ákimshiligi basshysynyń orynbasary. 2015-2017 jyldary Shymkent qalasynyń ákimi, 2017-2018 jyldary «Nur Otan» partııasynyń hatshysy bolǵan.
Qazirgi qyzmetinde - 2018 jyldyń maýsymynan.
«Qurmet» ordenimen, «Astanaǵa 10 jyl» (2008), «Qazaqstan Respýblıkasynyń Táýelsizdigine 20 jyl» merekelik medaldarymen marapattalǵan.