23 qańtar kúni Qazaqstanda ótetin mańyzdy sharalarǵa sholý
ASTANA. QazAqparat - «QazAqparat» Halyqaralyq aqparat agenttigi Qazaqstanda 23 qańtarda ótetin mańyzdy sharalar sholýyn usynady.
ASTANA
09.00-de QR Parlament Májilisiniń jalpy otyrysy bastalady.
10.00-de Astana qalasynyń kásipkerler palatasynda Astana qalasy kásipkerleriniń quqyqtaryn qorǵaý jáne sybaılas jemqorlyqqa qarsy is-qımyl keńesiniń 38-shi otyrysy ótedi.
11.00-de «Nur álem» pavılonynda «Táýelsizdik urpaqtary» ataýymen Jastar jylynyń ashylý saltanaty ótedi.
16.00-de «Atameken» Ulttyq kásipkerler palatasy QR Densaýlyq saqtaý mınıstrligi ókiletti organynyń qatysýymen «Halyq densaýlyǵy jáne densaýlyq saqtaý júıesi týraly» QR Kodeksiniń jobasy boıynsha qoǵamdyq tyńdaý ótkizedi. Іs-sharaǵa Qazaqstan Respýblıkasy Parlamenti Májilisiniń depýtattary, Ulttyq ekonomıka mınıstrligi, Qarjy mınıstrligi, Aqparat jáne mádenıet mınıstrligi, salalyq qaýymdastyqtardyń ókilderi qatysady.
ALMATY
11.00-de «Medeý» sport ortalyǵynyń baspasóz ortalyǵynda Reseı men Qazaqstannyń týrızm ındýstrııasynyń kóshbasshylary «Roza-Hýtor» taý shańǵysy kýrorty jáne «Shymbulaq» yntymaqtastyǵyn talqylaıdy.
11.00-de Eýrazııalyq banktiń fılıalynda Astana Bankiniń tólemderi boıynsha brıfıng ótedi.
11.00-de QR Ulttyq kitaphanasynda jazýshy, dramatýrg, Qazaqstan Respýblıkasynyń eńbek sińirgen qaıratkeri, Qazaqstan Jazýshylar odaǵynyń jáne Dúnıejúzilik jazýshylar odaǵynyń múshesi Ahmetjan Ashırıdiń shyǵarmashylyq keshi ótedi.
11.00-de «Abylaı han» sport kesheninde «Ashyq esik» jobasynyń saltanatty ashylý rásimi ótedi. Ol joba boıynsha Túrksib aýdanyndaǵy 1040 bala tórt aıda aǵylshyn tilin úırenedi. Aktsııany «Men almatylyqpyn» qoǵamdyq qozǵalysy júzege asyrǵaly otyr.
12.00-de Qazaqstan baspasóz klýbynda «Tutynýshylar Ulttyq Lıgasynyń 2018 jylǵy nátıjeleri» taqyrybynda baspasóz konferentsııasy ótedi.
14.00-de Qazaqstan baspasóz klýbynda «Meıirim kerýeni» respýblıkalyq baıqaýynyń bastalýyna arnalǵan baspasóz konferentsııasy ótedi. Baıqaýdy «Habar» jáne «KTK» telearnalarynyń qoldaýymen Qazaqstan Respýblıkasy Tuńǵysh Prezıdentiniń qory jáne Qazaqstannyń isker áıelder qaýymdastyǵy uıymdastyrýda.
KÓKShETAÝ
11:00-de Sátpaev kóshesi, 1B mekenjaıyndaǵy ákimshilik ǵımaratta Aqmola oblysy memlekettik organdarynyń personaldy basqarý qyzmetteri ókilderiniń qatysýymen semınar-keńes ótedi.
