23 qańtar kúni tańerteń Shyńjańnyń Aqsý aımaǵynda 7,1 baldyq jer silkinisi boldy

BEIJІŃ. KAZINFORM — Jer silkinisi jaqyn mańdaǵy aýdandarda óte kúshti sezilgen, Úrimjide de sezildi. Kóptegen úıler qırady, jaralanǵan adamdar bar.

Qytaı ortalyq teledıdary men Sınhýa aqparat agenttiginiń habarlaýynsha, jer silkinisi 23 qańtar kúni saǵat 02:09-da Shyńjańnyń Aqsý aımaǵynda ornalasqan Ýshı aýdanynda oryn alǵan, oshaqtyq tereńdigi - 22 shaqyrym.

Jer silkinisi Aqsý, Atýsh, Qashqar, Іle, Qorla, Qaramaı jáne basqa jerlerde qatty sezildi.

7,1 baldyq jer silkinisinen keıin kóptegen after dúmpýler boldy. Qytaıdyń seısmologııalyq jelisi tańǵy saǵat 8.00-degi jaǵdaı boıynsha magnıtýdasy 3,0 nemese odan joǵary jalpy 40 after silkinisin tirkedi. 

Aıta keteıik, Qytaı aqparat quraldarynyń málimetinshe, jer silkinisiniń oshaǵynan 5 shaqyrym jerdegi ortasha bıiktik shamamen 3048 metrdi quraıdy, al epıtsentrden 20 shaqyrymda halyq sany óte sırek.