23 qańtar kúni Almaty mektepteri men kolledjderinde sabaq bolmaıdy
ALMATY. KAZINFORM – Almaty qalasynyń mektepteri men kolledjderinde 1-aýysymdaǵy sabaqtar bolmaıdy.
«Qala mektepteri men kolledjderinde túni boıy halyqty qabyldaý pýnktteri jumys isteýine baılanysty, 23 qańtar kúni Almaty qalasynyń mektepteri men kolledjderinde 1-aýysymdaǵy sabaqtar bolmaıdy. Balabaqshalar shtattyq rejımde jumys isteıdi, balalardy ákelý - ata-analardyń qalaýy boıynsha»,- dep habarlady Almaty qalalyq bilim basqarmasynan.
Eske salaıyq, túnde Almatyda 5 ball deńgeıinde jer silkindi. Almatylyqtardyń aıtýynsha, jerasty dúmpýi osy joly qatty sezildi. Uzaq ýaqyt boıy shaıqalǵan. Turyǵyndar úreılenip, úıinen kóshege, dalaǵa shyqty.
Keıin Ulttyq seısmologııalyq baqylaýlar men zertteýler ǵylymı ortalyǵynyń dırektory Dáýlet Sársenbaev Almatyda jaqyn ýaqytta kúshti jáne joıqyn jer silkinisi kútilmeıtinin jetkizdi.
