23 aqpanǵa arnalǵan aýa raıy boljamy
ASTANA. QazAqparat - Atmosferalyq fronttardyń ótýine baılanysty 23 aqpan kúni Qazaqstannyń basym bóliginde qubylmaly kún raıy saqtalady. Keı jerlerde jaýyn jaýyp, tuman, kóktaıǵaq bolady. Jaýyn-shashynsyz aýa raıy respýblıkanyń tek ońtústik, ońtústik-shyǵysynda kútiledi. Eldiń basym bóliginde tuman saqtalady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Shyǵys Qazaqstan oblysynyń keı jerlerinde tuman, kóktaıǵaq, burqasyn, 15-20 m/s ekpindegi jel kútiledi.
Almaty oblysynyń keı jerlerinde túnde tuman, kúndiz Jalańashkól aýdanynda jeldiń jyldamdyǵy 17-22 m/s artatyny boljanady.
Qaraǵandy oblysynda tuman, kóktaıǵaq, jaıaý burqasyn kútiledi.
Aqmola oblysynyń keı jerlerinde jaıaý burqasyn, túnde jáne tańerteń tuman bolýy yqtımal.
Jambyl, Qyzylorda oblystarynda tuman boljanady. Kúndiz Qyzylorda oblysynda kóktaıǵaq bolady, Jambyl oblysynyń keı jerlerinde jeldiń ekpini 15-20 m/s artady.
Ońtústik Qazaqstan, Mańǵystaý, Atyraý, Batys Qazaqstan, Qostanaı, Soltústik Qazaqstan, Pavlodar oblystarynyń keı jerlerinde tuman, Mańǵystaý oblysynyń keı jerlerinde kóktaıǵaq kútiledi.
