23 aqpanda Qazaqstannyń batysynda qar jaýyp, qarly burqasyn bolady, al qalǵan aýmaqta aıaz kúsheıedi dep kútilýde - Qazgıdromet
ASTANA. 22 aqpan. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha, 23 aqpanda respýblıkanyń batysynda atmosferalyq aǵymdardyń ótýine baılanysty qar jaýyp,
jel kúsheıedi, al jekelegen aýdandarda qarly burqasyn bolady dep kútilýde.
Qazaqstannyń soltústik, ońtústik jáne shyǵys oblystarynyń aýdandarynda antıtsıklonnyń yqpaly saqtalady. Bul jerde aıaz bolady dep kútilýde, keı jerlerde tuman túsedi.
Mańǵystaý, Jambyl jáne kúndiz respýblıkanyń batys oblysynyń keı jerlerinde 15-20 m/s jyldamdyqpen jel soǵyp, tuman túsedi.
Ońtústik Qazaqstan oblysynda kúndiz 15-22 m/s jyldamdyqpen jel soǵady dep kútilýde.
Qaraǵandy jáne Shyǵys Qazaqstan oblystarynyń jekelegen jerlerinde 15-20 m/s jyldamdyqpen jel soǵyp, qarly burqasyn turýy múmkin.
Atyraý, Aqtóbe, Qostanaı, Soltústik Qazaqstan jáne Aqmola oblystarynyń keı jerlerinde tuman bolady.
