23 aqpan. Tulǵalar týǵan kún
Búgin, 23 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
61 jyl buryn (1964) Qazaqstan Respýblıkasy Parlamenti Senatynyń depýtaty Marat Shadethanuly QOJAEV dúnıege kelgen.
Almaty oblysynda týǵan. KSRO ІІM Qaraǵandy joǵary mektebin (1989), QR ІІM akademııasyn (2001) bitirgen, zańger.
Almaty oblysy men Almaty qalasynda ishki ister organdarynda birqatar qyzmet atqardy. 2004-2007 jyldary Almaty qalasy ishki ister departamenti bastyǵynyń orynbasary, 2007-2009 jyldary Almaty qalasy boıynsha ekonomıkalyq qylmysqa jáne sybaılas jemqorlyqqa qarsy kúres departamenti bastyǵynyń orynbasary, 2009-2012 jyldary Jambyl oblysy ishki ister departamenti bastyǵynyń orynbasary, 2012-2014 jyldary QR Іshki ister mınıstrligi tergeý komıtetiniń tóraǵasy, 2014-2017 jyldary Pavlodar oblysy ishki ister departamenti bastyǵy, 2017-2019 jyldary Astana qalalyq poltsııa departamentiniń bastyǵy qyzmetinde boldy.
Qazirgi qyzmetin 2024 jyldyń qazan aıynan bastap atqaryp keledi.
ІІІ dárejeli «Minsiz qyzmeti úshin» medalimen; «ІІM eńbegi sińgen qyzmetkeri» tósbelgisimen marapattalǵan.
57 jyl buryn (1968) Ujymdyq qaýipsizdik týraly shart uıymynyń Birlesken shtaby bastyǵynyń orynbasary Rýslan Nurtóleýuly ShPEKBAEV dúnıege kelgen.
Semeı (qazirgi Shyǵys Qazaqstan) oblysynda týǵan. Odessa joǵary artıllerııalyq komandalyq ýchılışesin (1989); Reseı Federatsııasy Qarýly Kúshteriniń joǵary artıllerııalyq ýnıversıtetin (2003); Reseı Federatsııasy Qarýly Kúshteri Bas shtabynyń joǵary akademııasyn (2011) aıaqtady.
Eńbek joly: Vzvod komandırinen bastap Qazaqstan Respýblıkasy Qarýly Kúshteri Bas shtaby bastyǵynyń birinshi orynbasaryna deıingi ofıtserlik quramnyń laýazymdarynda áskerı qyzmet atqardy. 1989 jylǵy shildeden bastap vzvod komandıri, batareıa komandıri, dıvızıon komandıri laýazymdarynda qyzmet ótkerdi. 1994-1995 jyldary GFR Býndesver artıllerııalyq mektebinde bilim aldy jáne áskerı praktıkadan ótti. 1996-1997 jyldary shtab bastyǵy — armııalyq korpýs artıllerııalyq polktiń komandıri qyzmetin atqardy. 1997 jylǵy jeltoqsannan bastap motoatqysh dıvızııasy artıllerııalyq polkiniń komandıri qyzmetin atqardy. 2003-2004 jyldary dıvızııa komandıriniń orynbasary — mehanıkalandyrylǵan dıvızııa zymyran áskerleri jáne artıllerııa basqarmasy bólimshesiniń bastyǵy qyzmetin atqardy. 2004 jylǵy qarashadan bastap óńirlik qolbasshylyq áskerleri qolbasshysynyń orynbasary — «Shyǵys» óńirlik qolbasshylyǵy áskerleri qolbasshysy basqarmasy ásker teginiń zymyran áskerleri jáne artıllerııa bastyǵy qyzmetin atqardy. 2011-2012 jyldarf Ulttyq qorǵanys ýnıversıteti áskerı jáne memlekettik basqarý fakýlteti jedel óner kafedrasy bastyǵynyń orynbasary qyzmetinde boldy. 2012-2013 jyldary QR QK Bas shtaby Strategııalyq josparlaý departamenti bastyǵynyń orynbasary — basqarma bastyǵy, 2013-2017 jyldary QR QK Bas shtaby Strategııalyq josparlaý departamentiniń bastyǵy laýazymynda qyzmet etti. 2017-2020 jyldary QR Qarýly Kúshteriniń Bas shtaby bastyǵynyń birinshi orynbasary, 2020-2023 jyldary QR Qorǵanys mınıstriniń orynbasary bolyp qyzmet atqarǵan.
Qazirgi qyzmetinde — 2023 jyldyń qyrkúıeginen bastap.
ІІ dárejeli «Dańq» ordenimen; birqatar medaldarmen marapattalǵan.
47 jyl buryn (1978) Qazaqstan Respýblıkasy Prezıdenti Arhıviniń dırektory Jámıla ıÝsýpjanqyzy ÁBDІQADYROVA dúnıege keldi.
«Turan» ýnıversıtetin zańger mamandyǵy boıynsha bitirgen (1999).
Eńbek joly: 2003-2013 jyldary QRPrezıdenti Arhıviniń mamany, jetekshi mamany, bas mamany, jınaqtaý jáne qujattama bóliminiń meńgerýshisi, 2013-2014 jyldary QR Prezıdenti Arhıviniń jınaqtaý jáne qujattamalyq qamtamasyz etý bóliminiń meńgerýshisi, 2014-2015 jyldary QR Prezıdenti Arhıviniń muraǵat qorlarynyń saqtalýyn jáne memlekettik esebin qamtamasyz etý bóliminiń basshysy, 2015-2018 jyldary QR Prezıdentiniń Arhıvi dırektorynyń orynbasary, 2018-2022 jyldary QR Prezıdenti Arhıviniń dırektory laýazymdaryn atqarǵan.
47 jyl buryn (1978) - VIII saılanǵan Qazaqstan Respýblıkasy Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi Abzal Temirǵalıuly QUSPAN dúnıege keldi.
Batys Qazaqstan oblysy, Jańǵala aýdany, Jańǵala aýylynda týǵan. Qazaq memlekettik zań akademııasyn «Quqyqtaný» mamandyǵy boıynsha bitirgen (2000).
Eńbek joly: Qazaq memlekettik zań akademııasynyń Oral fılıalynda oqytýshy (2000); Batys Qazaqstan oblysynyń prokýratýra organdarynda ártúrli laýazymdarda jumys isteý (2000-2006); «BEM ı K» zań kompanııasy» JShS dırektorynyń orynbasary (2006-2009), Batys Qazaqstan oblysy advokattar alqasynyń advokaty (2009-2020), Batys Qazaqstan oblysy ákimdiginiń mádenıet basqarmasynyń Batys Qazaqstan oblysy mádenıet jáne óner ortalyǵynyń zańgeri (2020-2021).
2023 jyldyń naýryz aıynan bastap qazirgi qyzmetinde.
«Qurmet» ordenimen marapattalǵan.
95 jyl buryn (1930-2019) ardager ustaz, jazýshy, Qazaqstan Respýblıkasynyń eńbek sińirgen qaıratkeri, Qazaqstan Respýblıkasynyń eńbek sińirgen mádenıet qyzmetkeri, Qazaqstan Jýrnalıster Odaǵynyń birneshe dúrkin laýreaty Ábilfaıyz Ydyrysuly YDYRYSOV dúnıege keldi.
Qostanaı oblysynda týǵan. Qazirgi ál-Farabı atyndaǵy Qazaq ulttyq ýnıversıtetin bitirgen. 1953-1965 jyldary «Qazaqstan pıoneri», «Lenınshil jas» gazetterinde, Qazaq respýblıkalyq radıo komıtetinde redaktor, jaýapty hatshy qyzmetterin atqarǵan. 1965 jyldan qazirgi ál-Farabı atyndaǵy Qazaq ulttyq ýnıversıtetinde ustazdyq etti. Elimizge eńbegi sińgen jýrnalıster daıarlaý isine súbeli úlesin qosqan.
«Áýezovke — ińkárlik», «Birtýarlar bolmysy» esseler jınaqtary, «Tańsholpan» roman-hıkaıasy, «Ańsaǵan meniń ánimsiń», «Berik», «Muhamedı» povesteri jaryq kórgen. Ár jyldary basylyp shyqqan «Gazetti bezendirý syry», «Redaktor men korrektorǵa kómekshi qural», «Fototerim», «Polıgrafııa óndirisi negizderi» oqýlyqtary men oqý quraldary kúni búginge deıin suranysqa ıe. Medaldarmen marapattalǵan.