23 aqpan. Týǵan kún ıeleri
ESІMDER
1921 jyly Ońtústik Qazaqstan oblysy Túrkistan aýdany Úıik aýylynda týǵan. Ońtústik-batys jáne 3-shi Ýkraın maıdandarynda soǵysqan. Stalıngrad túbindegi shaıqastarǵa, Ýkraınanyń ońtústigin jáne Donbassty azat etýge qatysty. Shekara áskerleriniń Lenıngrad áskerı ýchılışesin (1946), KSRO MQK Áskerı ınstıtýtyn (1954) bitirgen.
Eńbek joly: 1946-1950 jyldary Ózbek KSR-inde Termez qalasynda shekara otrıadynda qyzmet etti. 1954-1960 jyldary – Qyrǵyz KSR-inde aǵa ofıtser, shekara jasaǵy shtaby bastyǵynyń orynbasary. 1960 jyldan – Semeı oblysyndaǵy Baqty shekara jasaǵynyń shtab bastyǵy. 1962-1968 jyldary – Zaısan shekara jasaǵynyń (KSRO MQK 50-shi shekara jasaǵy) bastyǵy. 1968-1971 jyldary – KSRO MQK Qyzyl Tý Shyǵys shekara okrýgi shtaby bastyǵynyń orynbasary. 1972 jyly general-maıor shenin aldy. 1971 jyldan bastap 16 jyl boıy Qazaq KSR armııasyna, avıatsııasyna jáne flotyna kómek kórsetýdiń búkilodaqtyq erikti qoǵamynyń Ortalyq komıtetin basqardy. 1981-1996 jyldary – Keńestik Soǵys Ardagerleri Komıteti Almaty sektsııasynyń tóraǵasy. 1990-1993 jyldary –12-shi saılanǵan Qazaq KSR Joǵarǵy Keńesiniń depýtaty.
«Tabys kepili» (1980), «Jalyndy patrıottardy tárbıeleımiz» (1984) kitaptarynyń avtory.
1996 jyly 6 shildede qaıtys boldy. Almaty men Túrkistandaǵy kósheler, QR QM áskerı-tehnıkalyq mektebi general Baıtasovtyń esimimen ataldy. Almatydaǵy Qurmanǵazy kóshesindegi úıge memorıaldyq taqta ornatyldy.
Qostanaı oblysynda týǵan. Qazirgi ál-Farabı atyndaǵy Qazaq ulttyq ýnıversıtetin bitirgen. 1953-1965 jyldary «Qazaqstan pıoneri», «Lenınshil jas» gazetterinde, Qazaq respýblıkalyq radıo komıtetinde redaktor, jaýapty hatshy qyzmetterin atqarǵan. 1965 jyldan qazirgi ál-Farabı atyndaǵy Qazaq ulttyq ýnıversıtetinde ustazdyq etti. Elimizge eńbegi sińgen jýrnalıster daıarlaý isine súbeli úlesin qosqan.
«Áýezovke – ińkárlik», «Birtýarlar bolmysy» esseler jınaqtary, «Tańsholpan» roman-hıkaıasy, «Ańsaǵan meniń ánimsiń», «Berik», «Muhamedı» povesteri jaryq kórgen. Ár jyldary basylyp shyqqan «Gazetti bezendirý syry», «Redaktor men korrektorǵa kómekshi qural», «Fototerim», «Polıgrafııa óndirisi negizderi» oqýlyqtary men oqý quraldary kúni búginge deıin suranysqa ıe. Medaldarmen marapattalǵan.
Aqmola oblysynda týǵan. Tselınograd aýyl sharýashylyǵy ınstıtýtyn (1983); Mınsk qalasyndaǵy KSRO MQK Joǵary kýrstaryn (1987) bitirgen.
Eńbek joly: Qazaqstan Respýblıkasy UQK bólimshesiniń atqarýshy jáne basqarý qyzmetteri (1986-1999); Qazaqstan Respýblıkasy Prezıdenti Kúzet qyzmetiniń bólimshelerindegi qyzmet (1999-2001); Qazaqstan Respýblıkasy UQK bólimshesindegi basshylyq qyzmetter (2001-2013); Qazaqstan Respýblıkasy UQK Almaty qalasy boıynsha departamentiniń bastyǵy (2013-2016); Qazaqstan Respýblıkasy Ulttyq qaýipsizdik komıteti tóraǵasynyń orynbasary (2016-2021).
2-dárejeli «Dańq», «Aıbyn» ordenderimen; «Jaýyngerlik erligi úshin» medalimen marapattalǵan.
Tájik KSR-inde týǵan. S. Kırov atyndaǵy Qazaq memlekettik ýnıversıtetin bitirgen, zańger (1985).
Eńbek joly: Jambyl oblysy Jańatas qalalyq prokýratýrasynyń stajeri (1985-1986); Jambyl oblysy Jańatas qalalyq prokýratýrasynyń aǵa tergeýshisi (1986-1991); Jambyl oblysy Lýgovoe aýdandyq prokýratýrasynyń aǵa tergeýshisi (1991-1992); Jańatas qalasy prokýrorynyń aǵa kómekshisi (1992-1993); Jambyl kólik prokýratýrasy prokýrorynyń aǵa kómekshisi (1993-1995); Almaty qalalyq prokýratýrasynyń jalpy qadaǵalaý bóliminiń prokýrory (01.1996-02.1996); Almaty qalalyq prokýratýrasynyń tergeý jáne jaýap alýdy qadaǵalaý bólimi bastyǵynyń mindetin atqarýshy (02.1996-03.1996); Almaty qalalyq prokýratýrasynyń jalpy qadaǵalaý bóliminiń aǵa prokýrory (06.1996-07.1996); Almaty qalalyq prokýratýrasynyń adam jáne azamattyń quqyqtary men erkindikterin saqtaý bóliminiń bastyǵy (1996-1997); Almaty qalalyq prokýratýrasynyń áleýmettik-ekonomıkalyq saladaǵy zańdylyqty qadaǵalaý basqarmasy bastyǵynyń orynbasary (04.1997-06.1997); Qyrǵyzstan Respýblıkasy «Maımaq» AEA bas dırektorynyń ekonomıkalyq qaýipsizdik, quqyq máseleleri jónindegi orynbasary, Talas oblysy ákiminiń orynbasary (1997-1998); QR Bas prokýratýrasy departamentiniń áleýmettik-ekonomıkalyq saladaǵy zańdylyqty qadaǵalaý basqarmasynyń aǵa prokýrory (02.1998-11.1998); QR Bas prokýratýrasynyń áleýmettik-ekonomıkalyq saladaǵy zańdardyń qoldanylýyn qadaǵalaý departamentiniń áleýmettik saladaǵy zańdardyń qoldanylýyn qadaǵalaý bóliminiń bastyǵy (1998-2000); QR Bas prokýratýrasynyń áleýmettik-ekonomıkalyq saladaǵy zańdardyń qoldanylýyn qadaǵalaý departamentiniń áleýmettik saladaǵy zańdardyń qoldanylýyn qadaǵalaý bóliminiń bastyǵy – departament basshysynyń orynbasary (2000-2001); QR Bas prokýratýrasy memlekettik organdardaǵy qyzmettiń zańdylyǵyn qadaǵalaý departamenti bastyǵynyń orynbasary (02.2001-10.2001); Atyraý oblystyq prokýrorynyń birinshi orynbasary (2001-2002); Astana qalalyq prokýrorynyń orynbasary (2002-2005); QR Bas prokýratýrasy memlekettik organdardaǵy qyzmettiń zańdylyǵyn qadaǵalaý departamenti bastyǵynyń orynbasary (2005-2009); QR Bas prokýratýrasy tergeýdiń zańdylyǵyn qadaǵalaý departamenti bastyǵynyń orynbasary (2009-2010); QR Bas prokýratýrasy qylmystyq protsestiń zańdylyǵyn qadaǵalaý departamenti bastyǵynyń orynbasary (2010-2011); QR Bas prokýratýrasynyń tergeýdiń zańdylyǵyn qadaǵalaý departamenti bastyǵynyń orynbasary (2011-2012); Qyzylorda oblysynyń prokýrory (2012-2016); Batys Qazaqstan oblysynyń prokýrory (2016-2018).
Qazirgi laýazymyn atqarýǵa 2018 jyldyń jeltoqsanynda kiristi.
ІІ dárejeli «Aıbyn» ordenimen; «Qazaqstan Respýblıkasynyń táýelsizdigine 10 jyl», «Astananyń 10 jyldyǵyna» medaldarymen nagradtalǵan.
Almaty oblysynda týǵan. KSRO ІІM Qaraǵandy joǵary mektebin (1989); QR ІІM akademııasyn (2001) bitirgen, zańger. Almaty oblysy men Almaty qalasynda ishki ister organdarynda birqatar qyzmet atqardy. Almaty qalasy ishki ister departamenti bastyǵynyń orynbasary (2004-2007); Almaty qalasy boıynsha ekonomıkalyq qylmysqa jáne sybaılas jemqorlyqqa qarsy kúres departamenti bastyǵynyń orynbasary (2007-2009); Jambyl oblysy ishki ister departamenti bastyǵynyń orynbasary (2009-2012); QR Іshki ister mınıstrligi tergeý komıtetiniń tóraǵasy (2012-2014); Pavlodar oblysy ishki ister departamenti bastyǵy (2014-2017); Astana qalalyq poltsııa departamentiniń bastyǵy (2017-2019).
Qazirgi laýazymyn 2019 jylǵy sáýirden beri atqaryp keledi.
ІІІ dárejeli «Minsiz qyzmeti úshin» medalimen; «ІІM eńbegi sińgen qyzmetkeri» tósbelgisimen marapattalǵan.
Shymkent oblysynda týǵan. Taldyqorǵan zań tehnıkýmyn, ál-Farabı atyndaǵy Qazaq memlekettik ýnıversıtetin, Qorqyt Ata atyndaǵy Qyzylorda memlekettik ýnıversıtetiniń bakalavrıatyn bitirgen.
Eńbek joly: 1985–1988 jyldary – Shymkent oblystyq atqarý komıtetiniń ádilet bóliminde keńse meńgerýshisi. 1993–1994 jyldary – Almaty qalasyndaǵy «Shahar» arhıtektýra-jobalyq kooperatıvinde is júrgizýshi. 1994–1998 jyldary – Qazaqstan Respýblıkasy Ádilet mınıstrliginiń keńesshisi, bas keńesshisi, bas mamany, bólim bastyǵy. 1999–2002 jyldary – Qyzylorda oblysy Ádilet basqarmasy bastyǵynyń orynbasary. 2002–2004 jyldary – Mańǵystaý oblysy Ádilet departamentiniń bastyǵy. 2004–2009 jyldary – Qazaqstan Respýblıkasy Ádilet mınıstrliginiń Іshki ákimshilik departamentiniń dırektory. 2009–2016 jyldary – Qyzylorda oblysy Ádilet departamentiniń bastyǵy. 2016-2021 jyldary – altynshy saılanǵan Qazaqstan Respýblıkasy Parlamenti Májilisiniń depýtaty, «Nur Otan» partııasynyń tizimi boıynsha saılanǵan, Zańnama jáne sot-quqyqtyq reforma komıtetiniń múshesi.
Qazirgi qyzmetinde – 2021 jyldyń qańtarynan bastap.
«Qurmet» ordenimen, «Qazaqstan Respýblıkasynyń táýelsizdigine 20 jyl» mereıtoılyq medalimen, «Eren eńbegi úshin», «Ádilet organdary júıesin damytýǵa qosqan úlesi úshin» medaldarymen jáne «Ádilet organdary júıesiniń qurmetti qyzmetkeri» tósbelgisimen marapattalǵan.
Semeı (qazirgi Shyǵys Qazaqstan) oblysynda týǵan. Odessa joǵary artıllerııalyq komandalyq ýchılışesin (1989); Reseı Federatsııasy Qarýly Kúshteriniń joǵary artıllerııalyq ýnıversıtetin (2003); Reseı Federatsııasy Qarýly Kúshteri Bas shtabynyń joǵary akademııasyn (2011) aıaqtady.
Eibek joly: Vzvod komandırinen bastap Qazaqstan Respýblıkasy Qarýly Kúshteri Bas shtaby bastyǵynyń birinshi orynbasaryna deıingi ofıtserlik quramnyń laýazymdarynda áskerı qyzmet atqardy. 1989 jylǵy shildeden bastap vzvod komandıri, batareıa komandıri, dıvızıon komandıri laýazymdarynda qyzmet ótkerdi. 1994 jylǵy qazannan bastap 1995 jylǵy qarasha aralyǵynda GFR Býndesver artıllerııalyq mektebinde bilim aldy jáne áskerı praktıkadan ótti. 1996 jylǵy aqpannan bastap shtab bastyǵy – armııalyq korpýs artıllerııalyq polktiń komandıri qyzmetin atqardy. 1997 jylǵy jeltoqsannan bastap motoatqysh dıvızııasy artıllerııalyq polkiniń komandıri qyzmetin atqardy. 2003 jylǵy tamyzdan bastap dıvızııa komandıriniń orynbasary – mehanıkalandyrylǵan dıvızııa zymyran áskerleri jáne artıllerııa basqarmasy bólimshesiniń bastyǵy qyzmetin atqardy. 2004 jylǵy qarashadan bastap óńirlik qolbasshylyq áskerleri qolbasshysynyń orynbasary – «Shyǵys» óńirlik qolbasshylyǵy áskerleri qolbasshysy basqarmasy ásker teginiń zymyran áskerleri jáne artıllerııa bastyǵy qyzmetin atqardy. 2011 jylǵy shildeden bastap Ulttyq qorǵanys ýnıversıteti áskerı jáne memlekettik basqarý fakýlteti jedel óner kafedrasy bastyǵynyń orynbasary qyzmetin atqardy. 2012 jylǵy qyrkúıekten bastap QR QK Bas shtaby Strategııalyq josparlaý departamenti bastyǵynyń orynbasary – basqarma bastyǵy qyzmetin atqardy. 2013-2017 jyldary QR QK Bas shtaby Strategııalyq josparlaý departamentiniń bastyǵy laýazymynda qyzmet etti. 2017-2020 jyldary Qazaqstan Respýblıkasy Qarýly Kúshteriniń Bas shtaby bastyǵynyń birinshi orynbasary boldy.
Qazirgi qyzmetinde – 2020 jyldyń tamyzynan bastap. ІІ dárejeli «Dańq» ordenimen; birqatar medaldarmen marapattalǵan.
Qaraǵandy qalasynda týǵan. Eki joǵary bilimi bar, 1992 jyly Qaraǵandy polıtehnıkalyq ınstıtýtyn, 2004 jyly Almaty ekonomıka jáne statıstıka akademııasyn támamdady. Mamandyǵy boıynsha óndiristik kólik ınjeneri, personaldy basqarý, ekonomıst.
Eńbek jolyn «Qaraǵandykómir» birlestiginiń turǵyn-úıdi jekeshelendirý boıynsha bólim basshysy retinde bastady. 90 jyldardyń sońynda Qaırat Begimov Qaraǵandynyń aýdandarynyń birinde turǵyn-úı kommýnaldyq sharýashylyǵyn basqarǵan. Oktıabr aýdanynyń ákimi, Qaraǵandy qalasy ákiminiń kommýnaldyq máseleler boıynsha orynbasary, oblystyq qurylys basqarmasy basshysynyń orynbasary laýazymynda jumys atqarǵan. 2015 jyldyń shilde aıynan bastap oblystyq energetıka jáne turǵyn-úı kommýnaldyq sharýashylyǵy basqarmasynyń basshysy bolǵan. 2018-2020 jyldary Jezqazǵan qalasynyń ákimi qyzmetin atqardy.
Qazirgi qyzmetinde – 2020 jyldyń 22 tamyzynan bastap.