23 aqpan kúngi aýa raıy boljamy
NUR-SULTAN. QazAqparat – 23 aqpan kúni eldiń soltústiginde, ortalyǵynda jáne shyǵysynda qar jaýyp, kóktaıǵaq kútiledi. Respýblıkanyń qalǵan aýmaǵynda antıtsıklon jotasynyń áserinen jaýyn-shashynsyz aýa raıy saqtalady. Jekelegen óńirlerde tuman, ekpindi jel boljanady. QazAqparat bul týraly Qazgıdrometke silteme jasap habarlaıdy.
Aqmola oblysynyń soltústik-batysy men ońtústiginde tuman, kóktaıǵaq kútiledi, túnde soltústiginde, shyǵysynda jel 15-20 m/s kúsheıedi, shyǵys jartysynda burqasyn bolady.
Túnde jáne tańerteń Almaty oblysynyń soltústiginde tuman boljanady. Jalańashkól aýdanynda jel 18-23 m/s kúsheıedi.
Jambyl oblysynyń soltústik-shyǵysynda jáne taýly aýdandarynda jel 15-20 m/s artady. Túnde jáne tańerteń soltústiginde jáne óńirdiń taýly aýdandarynda tuman bolady.
Qostanaı oblysynyń soltústik-shyǵysynda jaıaý burqasyn júrip, jeldiń kúshi 15-20 m/s artady. Óńirdiń batysy men ońtústik-batysynda tuman kútiledi.
Soltústik Qazaqstan oblysynyń ońtústiginde tuman, túnde shyǵysynda, kúndiz soltústiginde jaıaý burqasyn, kóktaıǵaq bolady. Kúndiz óńirdiń soltústiginde, batysynda jeldiń jyldamdyǵy 15-20 m/s jetedi.
Pavlodar oblysynyń soltústiginde, ortalyǵynda tuman, kóktaıǵaq kútiledi.
Shyǵys Qazaqstan oblysynyń soltústiginde burqasyn bolady. Jarma aýdanynda jel 15-20 m/s kúsheıedi.
Batys Qazaqstan oblysynyń soltústiginde, Atyraý oblysynyń batysynda, ortalyǵynda soltústiginde, Aqtóbe oblysynyń soltústiginde, ońtústik-shyǵysynda, ortalyǵynda, túnde jáne tańerteń Mańǵystaý oblysynyń ortalyǵynda tuman boljanady.
