23 aqpan. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

23 AQPAN, JEKSENBІ

Reseı Federatsııasynyń Otan qorǵaýshylar kúni. Keńes Odaǵy kezinde bul mereke Keńes Armııasynyń jáne Áskerı-teńiz flotynyń kúni retinde atap ótiletin. Fedaraldyq zańmen 1995 jylǵy naýryzdyń 13-inde belgilengen. Aqpannyń 23-i Qyzyl Armııanyń 1918 jyly Germanııanyń kaızerlik áskerlerin jeńgen kúni qurmetine tańdap alynǵan.

Brýneı Sultandyǵynyń Táýelsizdik kúni. Brýneı memleketi 1888 jyldan Brıtan protektoraty bolyp keldi. 1984 jyly Brýneı táýelsiz memleket dep jarııalandy. Qazaqstan Respýblıkasy men Brýneı Sultanaty arasynda dıplomatııalyq qatynas 2000 jyly maýsymnyń 14-inde ornady.

Tájikstanda Otan qorǵaýshylar kúni. Tájikstanda Otan qorǵaýshylar kúni 1993 jyly aqpannyń 23-inde Tájikstannyń Ulttyq armııasyn qurý qurmetine belgilengen.

ESTE QALAR OQIǴALAR

21 jyl buryn (1993) Almatydaǵy Dostyq úıinde «Qazaqstan-Vengrııa» dostyq qoǵamy quryldy.

19 jyl buryn (1995) Londonda Abaı úıi ashyldy.

14 jyl buryn (2000) Mańǵystaýdaǵy Doǵa munaı ken ornyn iske qosýdyń tusaýkeser rásimi ótti.

9 jyl buryn (2005) Almatyda Qazaqstandaǵy jáne TMD elderindegi jalǵyz «Sybaılas jemqorlyqqa qarsy áreketterdiń negizderi» atty kitaptyń tusaýkeser rásimi ótti. Kitapty «Transparensı Kazahstan» jáne «Interlıgal» saıası-quqyqtyq zertteýler qoǵamdyq qorlarynyń kómegimen jáne «Sybaılas jemqorlyqpen azamattyq bilim arqyly kúresý» jobasynyń aıasynda basyp shyǵaryldy. Kitap qazaq, orys jáne aǵylshyn tilderinde shyqqan. Sybaılas jemqorlyq qoǵamdyq qarym-qatynastyń barlyq salasyna áser etedi, degen minezdeme berilgen.

Kitap avtorlary Qazaqstan Respýblıkasynyń Konstıtýtsııalyq Keńestiń tóraǵasy Igor Rogov, Qazaqstan Respýblıkasynyń Joǵarǵy sotynyń tóraǵasy (qazir QR Parlamenti Senatynyń tóraǵasy) Qaırat Mámı.

9 jyl buryn (2005) Qazaqstan menedjment, ekonomıka jáne boljaý ınstıtýtynda (QMEBI) Qalalardyń turaqty damý ortalyǵy quryldy. Basty maqsaty - qalalardy josparlaý salasyndaǵy mamandardy daıyndaý. Ortalyq qalalardy damytý salasynda saıası sheshimderdiń aqparattandyrýyn joǵarylatady.

8 jyl buryn (2006) Qazaqstan Respýblıkasy Prezıdentiniń Jarlyǵymen Reseıdiń tanymal baletmeısteri ıÝrıı Grıgorovıch «Dostyq» ordenimen marapattaldy.

ıÝrıı Grıgorovıch Qazaqstan men Reseı halyqtarynyń arasynda dostyq qatynastardy nyǵaıtýǵa qosqan eleýli eńbegi úshin marapattaldy.

7 jyl buryn (2007) Mańǵystaý oblysynda Munaıly aýdany quryldy. Bul sheshim Mańǵystaý oblystyq maslıhatynyń kezekten tys sessııasynda qabyldady. Jańadan qurylǵan aýdan aımaqtyń besinshi ákimshilik-terrıtorııalyq aýdany. Munaıly aýdanynyń ákimshilik-terrıtorııasy 492 myń 189 gektar jerdi alyp jatyr. Aqtaý qalasyna qarasty, jáne Mańǵystaý, Qaraqııa, Túpqaraǵan aýdandarynyń terrıtorııasynyń bólikteri kirdi.

5 jyl buryn (2009) Semeıdiń iri kásipkerleri qalalyq aqsaqaldar keńesiniń belsendi atsalysýymen Abyraly aýdanynyń turǵyndaryna qoldaý kórsetý qoǵamdyq qoryn quryp otyr. Semeı ıadrolyq polıgonyndaǵy synaqtardan zardap shekken halyqty áleýmettik qoldaý baǵdarlamasyna sáıkes, bul kommertsııalyq emes uıym Abyraly aýdany turǵyndarynyń áleýmettik-ekonomıkalyq ahýalyn jaqsartýdy jáne aýyl turǵyndarynyń sapaly medıtsınalyq qyzmettermen qamtylýyna qoldaý kórsetýdi maqsat etip otyr.

4 jyl buryn Q.I.Sátbaev atyndaǵy Qazaq ulttyq tehnıkalyq ýnıversıtetinde 2009-2010 oqý jylyna arnalǵan «Shevron» kompanııasy stıpendııalyq baǵdarldamasynyń jeńimpazdaryna sertıfıkattar tapsyrý saltanaty ótti.

4 jyl buryn (2010) Memleket tarıhy ınstıtýty Qazaqstannyń táýelsizdik kezindegi ishki jáne syrtqy saıasatynyń júzege asyrylý tájirıbesin jınaqtaǵan alty ǵylymı eńbekti shyǵardy. Olardyń tanystyrylymy QR Ulttyq muraǵatynda ótti.

3 jyl buryn (2011) Mınskiniń ıAkýb Kolas atyndaǵy murajaıynda qazaq poezııasynyń alyby Jambyl Jabaevtyń týǵanyna 165 jyl tolýyna arnalǵan saltanatty ádebı kesh ótti.

3 jyl buryn (2011) Astanada 20-30 jyldardaǵy jappaı saıası- qýǵyn-súrgin jáne asharlyq jaıynda baıandaıtyn basylym tanystyryldy.

2 jyl buryn (2012) Qazaqstan «Segizdik toby» jappaı qyryp-joıatyn qarýlardyń taratylýyna qarsmy jahandyq áriptestiktiń 24-shi múshesi boldy.

95 jyl buryn (1919) Latysh drama teatry quryldy. Alǵash ret Keńestik Latvııanyń jumysshy teatry degen atpen Rıgada qurylǵan bolatyn. Teatr L.Paegleniń «Qaıta týý» pesasymen tuńǵysh ret shymyldyǵyn ashty. 1919 jyldyń aıaǵynda teatr qaıta uıymdastyrylyp, Ulttyq teatr degen atpen 1940 jylǵa deıin jumys istedi. 1949 jyly akademııalyq teatr mártebesin ıelendi. Al 1971 jyly jazýshy A.Ýpıttiń esimi berildi.

80 jyl buryn (1934) Máskeýde N.Zelınskıı atyndaǵy Organıkalyq hımııa ınstıtýty quryldy.

70 jyl buryn (1944) Sheshen-Ingýsh avtonomııalyq respýblıkasy taratyldy. Sheshender men ıngýshtar Qazaqstanǵa, Ortalyq Azııaǵa jer aýdaryldy.

ESІMDER

153 jyl buryn (1861-1943) qazaq aýyz ádebıetin jınaýshy, mıssıoner VASILЬEV Aleksandr Vasılevıch dúnıege keldi.

Cheboksary dinı ýchılışesinde, Qazan dinı akademııasynda oqyǵan. 1889-1894 jyldary Torǵaı oblystyq halyq mektepteriniń Ybyraı Altynsarınnen keıingi ınspektory bolǵan. 1894 jyldan Orynbordaǵy Torǵaı oblystyq basqarmasynyń keńesshisi qyzmetin atqaryp, 10 jyl boıy «Torǵaı» gazetiniń redaktory boldy. Ol qazaq halqynyń aýyz ádebıeti, tili jóninde kóptegen zertteýler júrgizip, jınaǵan aýyz ádebıeti úlgilerin «Torǵaı» gazetinde jarııalaǵan. Torǵaıdaǵy aǵartý isiniń tarıhymen, ómiriniń sońǵy jyldary nýmızmatıkamen shuǵyldandy. Qazaq mektepterinde paıdalanylatyn orys tili oqýlyqtaryn jazdy. Onda qazaq balalaryn orystandyrý maqsaty aıqyn kórinis tapqan. «Istorıcheskıı ocherk rýsskogo obrazovanııa v Týrgaıskoı oblastı» (1896), «Materıaly k harakterıstıke vzaımnyh otnoshenıı tatar ı kırgızov» (1898), «Obraztsy kırgızskoı narodnoı slovesnostı. Vypýsk vtoroı - «Kırgızskıe zagadkı» (1900), «Narodnye sposoby vrachevanııa ý kırgızov Týrgaıskoı oblastı» (1902) atty eńbekteri jaryq kórgen. 1906 jyly «Kırgızskaıa hrestomatııa» basylymyn shyǵarýǵa qatysyp, «Qyrǵyzdarǵa arnalǵan álippe» kitabynyń ekinshi shyǵarylymynyń avtory bolǵan.

121 jyl buryn (1893-1970) tarıh ǵylymynyń kandıdaty, «Qazaqstannyń arheologııalyq kartasy» kitaby avtorlarynyń biri PATsEVICh Geronım Iosıfovıch dúnıege keldi.

Belarýs Respýblıkasynda týǵan. Máskeý arheologııa ınstıtýtyn bitirgen. A.Bernshtam jetekshilik etken Jetisý arheologııalyq ekspedıtsııa jumystaryna belsene qatysyp, 1938 jyly qurylǵan Jambyl arheologııalyq pýnktinde ǵylymı qyzmetker, dırektor bolǵan. 1947-1951 jyldary Ońtústik, Ortalyq jáne Batys Qazaqstan arheologııalyq ekspedıtsııasyna qatysyp, Qostanaı oblysynda ekspedıtsııa basqarǵan. Onyń ejelgi Qazaqstannyń topografııasy, sáýleti, qurylys isi men sharýashylyǵyna baılanysty 50-ge jýyq ǵylymı eńbegi bar.

96 jyl buryn (1918-1995) kınooperator, Qazaqstannyń eńbek sińirgen óner qaıratkeri, KSRO Kınematografıster odaǵynyń múshesi, Uly Otan soǵysynyń ardageri KOLESNIKOV Andreı Andreevıch dúnıege keldi.

Qyrǵyzstanda týǵan. 1937 jyldan Almaty kınoshejire stýdııasynda (qazirgi «Qazaqfılm») operator bolyp, shejirelik-derekti fılmder túsirgen. Onyń tańdaýly operatorlyq eńbekteri qatarynda «Qazaqstan mıllıardy úshin kúres», «Máskeýdegi qazaq óneriniń aptalyǵy», «Jeńis kúni», «Armenııadaǵy ádebıet pen óner onkúndigi», «Úlken Qapshaǵaı», «Medeý», «Erlikke toly kún men tún» fılmderi bar. Ol shejirelik-derekti kıno salasynda operator-rejısser ári stsenarııshi retinde eńbek etip, «Úlken hımııa», «Jetisý marjandary», «Qazaqstannyń qoı sharýashylyǵy», «Úndistanmen kezdesý» taspalaryn jasaǵan.

1 jáne 2-shi dárejeli «Otan soǵysy» ordenderimen, medaldarmen marapattalǵan.

93 jyl buryn (1921-1995) áskerı qaıratker, general-maıor BAITASOV Bahadúrbek dúnıege keldi.

Ońtústik Qazaqstan oblysynda týǵan. Lenıngrad áskerı-shekara ýchılışesin, KSRO ІІM Áskerı ınstıtýtyn bitirgen. Uly Otan soǵysyna qatysqan.

1946-1950 jyldary - Tájik shekara okrýgi Termez shekara otrıadynyń kishi ofıtseri. 1954-1960 jyldary - Qyrǵyzstandaǵy shekara otrıadynyń aǵa ofıtseri, shtab bastyǵynyń orynbasary. 1960-1962 jyldary - Semeı oblysyndaǵy Baqty shekara otrıadynyń shtab bastyǵy. 1962-1968 jyldary - Shyǵys Qazaqstan oblysyndaǵy Zaısan shekara otrıadynyń bastyǵy. 1968-1971 jyldary - Shyǵys shekara okrýgi shtaby bastyǵynyń orynbasary qyzmetterin atqarǵan. 1971-1987 jyldary - Respýblıkalyq DOSAAF Ortalyq komıtetiniń tóraǵasy. Ol halqymyzdyń qaharmandyq erlik salty men dástúrin nasıhattaýda, jastardy otan súıgishtik rýhta tárbıeleýde úlken eńbek sińirgen. 1994-1995 jyldary Qazaqstan Respýblıkasy Joǵarǵy Keńesiniń depýtaty bolyp saılanǵan.

Eńbek Qyzyl Tý, Qyzyl Juldyz, 1-shi dárejeli Otan soǵysy ordenderimen, medaldarmen, Qazaq KSR Joǵarǵy Keńesiniń Qurmet gramotasymen marapattalǵan.

84 jyl buryn (1930) ardager ustaz, jazýshy, fılologııa ǵylymdarynyń kandıdaty, professor, Qazaqstan Respýblıkasynyń eńbek sińirgen qaıratkeri, Qazaqstan Respýblıkasynyń eńbek sińirgen mádenıet qyzmetkeri, Qazaqstan Jýrnalıster Odaǵynyń birneshe dúrkin laýreaty YDYRYSOV Ábilfaıyz Ydyrysuly dúnıege keldi.

Qostanaı oblysynda týǵan.

Qazirgi ál-Farabı atyndaǵy Qazaq ulttyq ýnıversıtetin bitirgen.

1953-1965 jyldary «Qazaqstan pıoneri», «Lenınshil jas» gazetterinde, Qazaq respýblıkalyq radıo komıtetinde redaktor, jaýapty hatshy qyzmetterin atqarǵan. 1965 jyldan qazirgi ál-Farabı atyndaǵy Qazaq ulttyq ýnıversıtetinde ustazdyq etti..

Elimizge eńbekteri sińgen jýrnalıster daıarlaý isine súbeli úlesin qosqan.

«Áýezovke - ińkárlik», «Birtýarlar bolmysy», esseler jınaqtary, «Tańsholpan» roman-hıkaıasy, «Ańsaǵan meniń ánimsiń», «Berik», «Muhamedı» povesteri jaryq kórgen. Ár jyldary basylyp shyqqan «Gazetti bezendirý syry», «Redaktor men korrektorǵa kómekshi qural», «Fototerim», «Polıgrafııa óndirisi negizderi» oqýlyqtary men oqý quraldary kúni búginge deıin suranysqa ıe.

Medaldarmen marapattalǵan.

76 jyl buryn (1938-1985) aqyn-aýdarmashy, fılologııa ǵylymynyń kandıdaty, dotsent, Gete murasyn zertteý jónindegi halyqaralyq qoǵamnyń múshesi QURMANOV Medeýbaı Shaıahmeduly dúnıege keldi.

Almaty oblysynyń Panfılov aýdanynda týǵan. Almaty shet tilder ınstıtýtyn bitirgen. 1962-1974 jyldary - Almaty medıtsına ınstıtýtynyń oqytýshysy, shet tilder kafedrasynyń meńgerýshisi. 1974-1978 jyldary - Almaty shet tilder ınstıtýty shet tilder kafedrasynyń dotsenti. 1978 jyldan bastap Qazaq KSR Ǵylym akademııasy shet tilder kafedrasynyń meńgerýshisi qyzmetin atqarǵan. Ǵalym ádebıetterdiń bir-birine áseri jáne aýdarma máselesimen shuǵyldanǵan. 20-dan astam ǵylymı maqalanyń, «Altyn arqaý», «Ómir qandaı tátti ediń» kitaptarynyń avtory. I.Geteniń «Faýst» tragedııasyn qazaqshaǵa aýdarǵan.

71 jyl buryn (1943) Almaty tehnologııalyq ýnıversıtetiniń rektory, hımııa ǵylymynyń doktory, professor, Qazaqstan Respýblıkasy Joǵary mektep ǵylym akademııasynyń, Injenerlik akademııanyń, Halyqaralyq joǵary mektep ǵylym akademııasynyń, Halyqaralyq ınjenerlik akademııanyń akademıgi, Qazaqstannyń eńbek sińirgen qaıratkeri QULAJANOV Quralbek Sádibaıuly dúnıege keldi.

Jambyl oblysynda týǵan. Qazaq memlekettik ýnıversıtetin jáne aspırantýrasyn bitirgen. 1972-1980 jyldary - Qazaq avtomobıl kóligi ǵylymı-zertteý jobalaý ınstıtýtynyń bólim meńgerýshisi. 1980-1996 jyldary - Jambyl tehnologııa ınstıtýtynyń sektor meńgerýshisi, dırektordyń ǵylymı ister jónindegi orynbasary, kafedra meńgerýshisi, dırektory. 1999 jyldan bastap Almaty tehnologııa ýnıversıtetiniń rektory bolyp isteıdi. Ǵalymnyń joǵary oqý oryndaryna arnalǵan «Analıtıkalyq hımııa», «Fızkolloıdtyq hımııa», «Astyq ónimderin shyǵarý barysyndaǵy ıonozonalyq tehnologııa», t.b. oqýlyqtary jaryq kórgen. 250-den astam ǵylymı eńbegi, 29 avtorlyq kýáligi men patentteri bar. Onyń jetekshiligimen 5 ǵylym kandıdaty jáne 1 doktory dıssertatsııa qorǵaǵan. "Qurmet" ordenimen, medaldarmen marapattalǵan.

61 jyl buryn (1953) aqyn, aýdarmashy, Qazaqstannyń eńbek sińirgen qaıratkeri, Qazaqstan jazýshylar odaǵynyń, Kınematografıster odaǵynyń múshesi QAIYRBEKOV Baqyt Ǵafýuly dúnıege keldi.

Almaty qalasynda týǵan. Máskeýdegi M.Gorkıı atyndaǵy Ádebıet ınstıtýtyn, Abaı atyndaǵy Qazaq pedagogıka ınstıtýtynyń aspırantýrasyn, KSRO Memlekettik kıno janyndaǵy stsenarııshiler men rejısserler joǵary kýrsyn bitirgen. «Jazýshy» baspasynda, «Qazaqfılm» kınostýdııasy Kórkem jáne teledıdarlyq fılmder shyǵarmashylyq birlestiginde, Qazaq KSR Mádenıet Mınıstrliginiń repertýarlyq-redaktsııalyq alqasynda, «Qazaqtelefılmde», Memlekettik qyzmetkerlerdi qaıta daıarlaý jáne biliktiligin arttyrý ınstıtýtynyń baspa ortalyǵynda jaýapty qyzmetter atqarǵan. Otyzǵa jýyq fılmderdiń jasalýyna at salysqan. QR Prezıdenti N.Á.Nazarbaev jónindegi derekti úsh fılmi teledıdardan kórsetilgen. Asan qaıǵy, Buqar, Aqtamberdi jyraýlardyń, Shákárimniń óleńderin, sondaı-aq kóptegen qazaq aqyn-jazýshylarynyń shyǵarmalaryn orys tiline aýdarǵan. Tegerandaǵy (Iran), Derdegi (Vengrııa), Shtýtgarttegi (Germanııa) halyqaralyq kınofestıvalderge qatysqan. Máskeýdegi TMD elderi І Halyqaralyq teleforýmnyń dıplomanty bolǵan. Óleńderin orys tilinde jazady.

59 jyl buryn (1955) QR Densaýlyq saqtaý mınıstrliginiń Salaýatty ómir saltyn qalyptastyrý problemalary ulttyq ortalyǵynyń bas dırektory DIQANBAEVA Sáýle Álkeıqyzy dúnıege keldi.

Qaraǵandy oblysynda týǵan. Qaraǵandy medıtsına ınstıtýtyn úzdik bitirgen. 1979 jyldan - Qaraǵandy qalasyndaǵy №1 qalalyq balalar klınıkalyq aýrýhanasynyń bólim meńgerýshisi, 1982 jyldan KSRO Medıtsınalyq ǵylymdar akademııasynyń ǴZI-da ordınatýrada jáne aspırantýrada oqydy. 1986 jyldan Qaraǵandy medıtsına ınstıtýtynda gospıtaldyq pedıatrııa kafedrasynyń assıstenti. 1994 jyldan - Qazaq ulttyq medıtsına ınstıtýtynyń doktorantýrasynda. 2001 jyldan QR Densaýlyq saqtaý mınıstrliginiń pedıatrııa jáne balalar hırýrgııasy ǴZI dırektorynyń ǵylymı jumystar jónindegi orynbasary. 2003 jyldan - QR Densaýlyq saqtaý vıtse-mınıstri. 2006 jyldan QR Densaýlyq saqtaý mınıstriliginiń pedıatrııa jáne balalar hırýrgııasy ǵylymı ortalyǵynyń dırektory. Qazirgi qyzmetinde - 2009 jyldan beri. «Eren eńbegi úshin», «Astanananyń 10 jyldyǵy» medaldarymen marapattalǵan. Densaýlyq saqtaý qyzmetiniń úzdigi. Professor.

59 jyl buryn (1955) «Qazanat» jýrnalynyń shef-redaktory, QR Ulttyq sport túrleri federatsııasynyń vıtse-prezıdenti Túgel SÁDІBEK dúnıege keldi.

Shyǵys-Qazaqstan oblysynyń Ulan aýdanynyń Amankeldi aýylynda jaryq dúnıege keldi. Qazaq Memlekettik Ýnıversıtetiniń jýrnalıstıka fakýltetin bitirgen. 1977-1978 jyldary aýdandyq «Órken-Rastsvet» gazetinde aýdarmashy, 1978-1979 jyldary Ulan aýdandyq atqarý komıtetiniń uıymdastyrý bóliminiń nusqaýshysy, 1979-1984 jyldary aýdandyq komsomol komıtetiniń 1-shi hatshysy, 1984-1988 jyldary aýdandyq partııa komıtetiniń uıymdastyrý bóliminiń meńgerýshisi bolyp qyzmet istedi. 1988-1990 jyldary Joǵary partııa mektebinde eki jyl kúndizgi bóliminde oqyp, «polıtolog», «sotsıolog» degen mamandyqtarǵa ıe boldy. 1990-1992 jyldary aýdandyq baqylaý komıtetiniń tóraǵasy jáne basqa da jaýapty qyzmetterde boldy. 1992-1994 jyldary «Ulan Tańy-Ýlanskıe Zorı» gazetiniń bas redaktory bolyp jumys istedi. 1994-1998 jylǵa deıin Almaty qalasynda «Qazaqstan Televıdenıesi men Radıosy» korporatsııasynda jaýapty qyzmetterdi atqardy. 1998 jyldyń basynda Jańa Elordamyzdyń tuńǵysh baspasóz hatshysy bolyp taǵaıyndaldy. 2001 jyldan 2002 jylǵa deıin Respýblıkalyq Halyqtyq-patrıottyq «Meniń Qazaqstanym» qozǵalysynyń tóraǵasy boldy.2002 jyldan 2004 jylǵa deıin Halyqaralyq Baspasóz Ortalyǵynyń basshysy bolyp jumys istedi. 2004 jyldan 2005 jyldar arasynda Qazaqstan Respýblıkasy Parlament Senatynyń bólim meńgerýshisi boldy. 2004 jyldan beri QR Ulttyq Sport Túrleri qaýymdastyǵynyń 1-shi vıtse-prezıdenti, Ulttyq At Sporty Federatsııasynyń prezıdenti. Elbasynyń Alǵys hatymen, Prezıdenttik Grantymen jáne «Qazaqstannyń eńbek sińirgen qaıratkeri» joǵary ataǵymen, «Astana» medalimen marapattaldy. Astana radıosy uıymdastyrǵan úlken Aktsııada «Astananyń 10 jyldyǵynyń qaharmany» ataǵyna ıe boldy. Ol QR Jazýshylar Odaǵy, QR Jýrnalıster Odaǵynyń múshesi. QR Gýmanıtarlyq Ǵylymdar Akademııasynyń Akademıgi. Shyǵys-Qazaqstan oblysy Ulan aýdanynyń qurmetti azamaty. QR mádenıet qaıratkeri, QR eńbek sinirgen jattyqtyrýshisi

58 jyl buryn (1956) skrıpkashy, Qazaqstannyń halyq ártisi, professor, Qazaqstan jastar syılyǵynyń, Parıjde ótken Halyqaralyq kameralyq ansamblder baıqaýynyń laýreaty, «Qazaqstan kameratasy» memlekettik orkestriniń kórkemdik jetekshisi MYRZABEKOVA Gaýhar Kurmanbekqyzy dúnıege keldi.

Almaty qalasynda týǵan. Máskeý memlekettik konservatorııasyn bitirgen.

1986-1998 jyldary - Qazaq memlekettik fılarmonııasynyń solısi. 1982 jyldan Almaty memlekettik konservatorııasynyń kafedra meńgerýshisi. Onyń repertarynda L.V.Bethovenniń, I.Bramstyń, S.S.Prokofevtiń sonatalary, O.Messıannyń Varıatsııalyq taqyryby, sondaı-aq Qazaqstan kompozıtorlarynyń shyǵarmalary bar. 1981 jyly Italııada (Rım, Florentsııa, Mılan, Pıza) Halyqaralyq mýzyka festıvalinde jeke kontsertter bergen.

Gaýhar Murzabekovanyń bastamasymen «Qazaqstan kameratasy» memlekettik orkestri 1997 jyly quryldy. Orkestrdiń quramy qazirgi tańnyń ózinde respýblıkalyq, halyqaralyq baıqaýlardyń laýreattary bolyp tabylatyn jas mýzykant ıelerinen turady. «Qazaqstan kameratasy» orkestri gastroldik saparmen Ulybrıtanııa, Frantsııa, Germanııa, Italııa, Cheh Respýblıkasy, Vengrııa, Slovakııa, Túrkııa, Makedonııa, taǵy basqa shet memleketterde óner kórsetken. Óner ujymynyń shet elderdegi kontserttik saparanyń basty maqsaty - qazaq óneriniń, Qazaqstan kompozıtorlarynyń shyǵarmashylyǵyn tanystyrý, nasıhattaý, sonymen qatar shet eldik óner ıelerimen birge óner kórsetý, halyqaralyq deńgeıdegi baıqaýlar men festıvalderge qatysý bolyp tabylady. Sonymen qatar, orkestrdiń basty maqsattarynyń biri - qazaq jerinde klassıkalyq mýzyka týyndylaryn tanytý bolsa, atalǵan óner ujymy jyl saıyn Qazaqstannyń túkpir-túkpir jerlerindegi qalalarynda kontserttik saparmen óner kórsetip otyrady. 2006 jyly «Qazaqstan kameratasy» orkestriniń A. Vıvaldı- A.Pıatsollanyń. «Vremena goda» baǵdarlamasymen kompakt-dıskisi jaryqqa shyqqan.

39 jyl buryn (1975) Aqmola oblysy ákiminiń orynbasary QAINARBEKOV Ashat Qanatuly dúnıege keldi.

1997 jyly Abaı atyndaǵy Almaty memlekettik ýnıversıtetin bitirgen, mamandyǵy boıynsha - halyqaralyq-zańger.

Eńbek jolyn 1998 jyly QR Syrtqy ister mınıstrligi Ekinshi departamentinde maman bolyp bastady.

2001-2002 jyldary Almaty oblysy, Talǵar aýdany ákiminiń orynbasary bolyp qyzmet atqardy. 2002 jyldyń qyrkúıeginen bastap 2007 jyldyń qarashasy aralyǵynda «QazMunaıGaz» UK» AQ júıesinde, 2003-2005 jyldary ENI (Italııa) kompanııasynda mashyqtanýdan ótti, 2005-2008 jyldary ChevronTexaco kompanııasymen kelisim boıynsha Ulybrıtanııada osy kompanııanyń London keńsesinde jumys istedi.

Oblys ákimi orynbasarynyń laýazymyna taǵaıyndalǵanǵa deıin, «HSBC Kazahstan» AQ bank dırektorlary keńesiniń múshesi, táýelsiz dırektory, «Samuryq-Qazyna» UÁQ» AQ enshiles kásiporny «QamqorMendjment» JShS baqylaýshy keńesinde, Qazaqstan Respýblıkasy Saýda-ónerkásip palatasynyń vıtse-prezıdenti bolyp qyzmet atqardy.

Qazirgi qyzmetinde - 2010 jylǵy sáýirden beri.

60 jyl buryn (1954) Eýrazııalyq ónerkásip qaýytsmdastyǵynyń prezıdenti, «Eurasian Natural Resources Corporation PLS» kompanııasy dırektorlar keńesiniń tóraǵasy MAShKEVICh Aleksandr Antonovıch dúnıege keldi.

Frýnze qalasynda (Qyrǵyzstan) týǵan. Qyrǵyz memlekettik ýnıversıtetin bitirgen, fılosof. 1981-1986 jyldary Qyrǵyz pedagogıkalyq ınstıtýtynyń dotsenti, dekany. 1986-1993 jyldary - ártúrli kommertsııalyq qurylymdardyń, «Sıabeko» (Qyrǵystan) kompanııasynyń qyzmetker. 1995-1999 jyldary - «Kazakhstan Mineral Resources Corporation» ( kompanııasynyń teń quryltaıshysy, vıtse-prezıdenti. 1999-2000 jyldary - «Herson munaı óńdeý kesheni» AQ dırektorlar keńesi tórvaǵasynyń orynbasary. 2002 jylǵy naýryzdan - Eýra-azııalyq evreı kongresiniń prezıdenti,.

«Qurmet» (2001), 3-dárejeli «Barys» ordenderimen marapattalǵan, «Bostandyq alaýy» syılyǵynyń, Birikken evreı federatsııasy syılyǵynyń laýreaty.

83 jyl buryn (1931-2004) reseılik teatr rejısseri, ǵalym, pedagog HALADJAN Nıkolaı Nıkolaevıch dúnıege keldi.

140 jyl buryn (1874-1956) Estonııanyń birinshi Prezıdenti Konstantın PıATS dúnıege keldi.

85 jyl buryn (1929-2008) Máskeý jáne búkil Reseı patrıarhy (1990-2008 jyldary) ALEKSII II (Alekseı Mıhaılovıch Rıdıger) dúnıege keldi.

70 jyl buryn (1944-2009) keńestik jáne reseı teatr jáne kıno akteri, rejısser, KSRO halyq ártisi ıANKOVSKII Oleg Ivanovıch dúnıege keldi.

60 jyl buryn (1954) Ýkraınanyń 2005-2010 jyldardaǵy úshinshi prezıdenti ıÝŞENKO Vıktor Andreevıch dúnıege keldi.