224 týrıst Mysyrdan Qazaqstanǵa usha almaı qaldy

ShARM-ESh-ShEIH. QazAqparat – Qazaqstanǵa Mysyrdan ushyp kelýi tıis bolǵan 224 týrıst bir táýlikke keshigip jatyr, dep habarlaıdy QazAqparat tilshisi.

«SCAT» áýe kompanııasynyń Boeing-757 ushaǵyn ushý aldyndaǵy daıyndyqtan ótkizý kezinde qosymsha jóndeý júrgizý qajet ekeni anyqtaldy. Mysyrdan Aqtóbege ushpaq bolǵan jolaýshylar all-inclusive formatyndaǵy qonaqúılerge ornalastyryldy. Olar jergilikti ýaqytpen 12.00-de ushý kerek bolatyn. Barlyq transfer men qonaqúıdegi shyǵyndardy avıakompanııa kóteredi. Reıs 26 qarashada jergilikti ýaqytpen 12.00-de ushady dep josparlanyp otyr. Basqa qalada turatyn jolaýshylar Aqtóbe qalasynda úsh mezgil tamaq pen barlyq jaǵdaıy jasalǵan qonaqúılerge ornalastyrylady. Ushý 21.00-ge josparlandy», - dep habarlady QazAqparat tilshisine «SCAT» áýe kompanııasynyń qoǵammen baılanys bóliminiń jetekshisi Vıktorııa Starojılova.

Onyń aıtýynsha, taǵy bir táýligin Mysyrda ótkizetin jolaýshylardyń sany – 224.