22 jyl boıy izdeýde júrgen qylmysker quryqtaldy - Aqmola oblysy
KÓKShETAÝ. QazAqparat - Aqmola polıtseıleri 22 jyl boıy izdep júrgen qylmysker Reseıde ustaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimeti boıynsha Reseı polıtsııasy Chelıabınsk oblysyna qarasty Novozlatoýst qalasynda 22 jyl boıy izdeýde júrgen qazaqstandyqty ustaǵan. Qylmysker memleketaralyq "Іzdeý" arnaıy operatsııasy barysynda qolǵa túsken.
"Qylmysker 1995 jyly jergilikti JShS-lardyń birimen 4 mıllıon teńgege 12 "Jıgýlı" avtokóligin jetkizip beremin dep kelisimshart jasasqan. Keıin qolyna iri kólemde aqsha tıgen soń izin sýytqan. Sol kezde, polıtseıler onyń el aýmaǵynan tys shyǵyp ketkenin anyqtaǵan. Qazirgi ýaqytta ustalynǵan adamnyń jaýapkershilikten qutylyp ketpeýi úshin qylmysqa qatysty tıisti materıaldar jınaqtalýda», dep túsindirdi baspasóz qyzmetindegiler.
Eske sala keteıik, jyl basynan beri Aqmola oblysynyń polıtseıleri qashyp júrgen 100-den astam qylmyskerdi ustady.
