22 jyldyq úzilisten keıin Qazaqstannyń kıeli nysandary ıÝNESKO tizimine endi
ASTANA. KAZINFORM — Qazaqstan Halyq Keńesiniń birinshi sessııasynda Memleket basshysy Qasym-Jomart Toqaev ulttyq sana-sezimdi qalyptastyrý jáne tarıhı jadymyzdy jańǵyrtý mańyzdy mindet ekenin aıtty.
— Taǵy bir mańyzdy mindet — ulttyq sana-sezimdi qalyptastyrý jáne tarıhı jadymyzdy jańǵyrtý. Bul baǵytta kóptegen jumys atqarylyp jatyr. Men de buǵan deıin osy ózekti taqyrypqa baılanysty biraz oıymdy aıttym. Biz tól mádenıetimizdiń órisin keńeıtip, ult rýhanııatyna óshpes iz qaldyrǵan dara tulǵalardyń murasyn dáripteýge aıryqsha nazar aýdaryp otyrmyz. Jurtymyzdyń jylnamasyn túgendep, Uly dala tarıhyn jáne Altyn Orda dáýirin tereń zerttep jatyrmyz, — dedi Qasym-Jomart Toqaev.
Memleket basshysy bıyl 22 jylǵa sozylǵan úzilisten keıin Qazaqstannyń birqatar kıeli nysany ıÝNESKO-nyń muralar tizimine engizilgenin atap ótti.
— Bul tizimge Mańǵystaý oblysyndaǵy biregeı nysandar da endi. Jarkent meshiti men Voznesensk shirkeýi sekildi eki biregeı eskertkishtiń ıÝNESKO-nyń Dúnıejúzilik muralar tizbesine aldyn ala engizilýi taǵy bir mańyzdy qadam boldy. Sáýlet óneriniń osynaý jaýharlary — Qazaqstannyń mádenı áralýandyǵyn pash etedi, sondaı-aq elimizde ǵumyr keship jatqan barlyq etnostyń tarıhyna jáne rýhanı murasyna uqypty ári qurmetpen qaraıtynymyzdy aıǵaqtaıdy, — dedi Prezıdent.
Aıta keteıik, jıyn barysynda Prezıdent Konstıtýtsııa ár adamnyń qolynda júretin, jumys ústelinde turatyn qujat bolýǵa tıis ekenin aıtty.
