22 jeltoqsanda elimizdegi qaı joldarda qozǵalys shekteldi

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń málimetinshe, 2025 jylǵy 22 jeltoqsanda saǵat 08:00-den bastap Batys Qazaqstan oblysynda barlyq kólik túri úshin «Aqtóbe – Oral – RF shekarasy» avtojolynyń 273-393-shaqyrym aralyǵynda (Jympıty kenti – Barbastaý kenti) qozǵalys jandandy.

Qozǵalysqa shekteý

Tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

Jabyq joldar

Aýa raıynyń qolaısyzdyǵyna baılanysty tómendegi respýblıkalyq mańyzy bar avtojoldarda barlyq kólik túri úshin qozǵalys shekteldi.

Almaty oblysy

• «Almaty – Taldyqorǵan – Óskemen – Shemonaıha – RF shekarasy» avtojolynyń 25-67-shaqyrymy (aqyly ýchaske – Qonaev qalasy);

• «Almaty – Shelek – Qorǵas» avtojolynyń 24-136-shaqyrymy (aqyly ýchaske – Shelek aýyly).

Joldar shamamen 2025 jylǵy 22 jeltoqsanda saǵat 11:00-de ashylady.

Eske salaıyq, buǵan deıin Qazgıdromet 22 jeltoqsanda aýa raıyna baılanysty birqatar óńirde eskertý jarııalaǵan edi.