22 jeltoqsan kúni respýblıkanyń basym bóliginde aýa raıynyń turaqsyzdyǵy saqtalady
ASTANA. QazAqparat - 22 jeltoqsanda Qazaqstannyń basym aımaqtarynda atmosferalyq fronttardyń ótýine baılanysty turaqsyz aýa raıy saqtalyp, keı jerlerde jaýyn-shashyn (kóbinese qar) jaýady, tuman, kóktaıǵaq, burqasyn, jeldiń kúsheıýi kútiledi. Bul týraly Qazgıdromet habarlady.
Ońtústikte, ońtústik-shyǵysta jaýyn-shashynsyz aýa raıy kútiledi. Qostanaı oblysynyń kóp bóliginde jel 15-20, ekpini 23 m/s kúsheıip, burqasyn, kóktaıǵaq bolady. Batys Qazaqstan, kúndiz Atyraý, Qyzylorda oblystarynyń keı jerlerinde jel 15-20 m/s kúsheıedi, keı jerlerinde tuman, kóktaıǵaq baqylanady. Aqtóbe oblysynyń keı jerlerinde burqasyn, kóktaıǵaq, jeldiń 15-20 m/s kúsheıýi kútiledi. Soltústik Qazaqstan oblysynyń keı jerlerinde burqasyn, kóktaıǵaq, jeldiń 15-20 m/s kúsheıýi baqylanady. Qaraǵandy, tańerteń jáne kúndiz Ońtústik Qazaqstan oblystarynda jeldiń 15-20 m/s kúsheıýi kútiledi, keı jerlerinde burqasyn baqylanady. Aqmola oblysynyń keı jerlerinde jel 15-20, kúndiz ekpini 23 m/s kúsheıýi, keı jerlerde burqasynmen birge kútiledi. Almaty oblysynyń Jalańashkól aımaǵynda jel 17-22 m/s kútiledi, túnde keı jerlerinde tuman baqylanady. Jambyl oblysynyń keı jerlerinde tuman, jel 15-20 m/s bolady. Mańǵystaý oblysynyń keı jerlerinde tuman, kóktaıǵaq kútileldi.
