22 jastaǵy jigit Ózbekstannyń bilim vıtse-mınıstri boldy
ASTANA. QazAqparat - Ózbekstan prezıdenti Shavkat Mırzıeev eksperımentaldy tártipte 22 jastaǵy Alısher Saıdýllaevty Ózbekstannyń halyqtyq bilim mınıstriniń orynbasary etip taǵaıyndady. Bul týraly uuznews.uz habarlady.
Halyqtyq bilim mınıstri Ý.Inoıatov selektorlyq jınalys barysynda jańa orynbasaryn tanystyrdy.
Aıta keteıik, Alısher Saıdýllaev «Kamolot» jastar qoǵamdyq qozǵalysynyń taıaýda ótken sezi barysynda prezıdent Shavkat Mırzıeevtiń aldynda Ózbekstanda shetel tilderin úırený bolashaǵy jóninde sóz sóılegen bolatyn. Sol jerde prezıdent jigitti mınıstrdiń orynbasary etip taǵaıyndaý tapsyrmasyn berdi.
Alısher Saıdýllaev 1991 jyldyń 11 shildesinde Djızak oblysy Djızak aýdanynda týǵan. Tashkenttegi Sıngapýr menedjment damytý ınstıtýtyn (MDIST) aıaqtaǵan. Jańa taǵaıyndaýǵa deıin Result oqý ortalyǵynyń dırektory bolyp jumys istegen.
