22 jastaǵy Sultan Záýirbekti Gennadıı Golovkınmen teńedi

ASTANA. QazAqparat - Qazaqstandyq boksshy Sultan Záýirbektiń promoýteri, MTK Global menedjerlik kompanııasynyń halyqaralyq konsýltanty Maık Altamýra ony Gennadıı Golovkınge teńedi, dep habarlaıdy QazAqparat Sports.kz-ke silteme jasap.

«Menińshe, ol sońǵy aıqasynda tamasha óner kórsetti. Tamasha soqqylarymen qarsylasynyń qorǵanysyn jıi asha bildi. Bul ózi myqty ári jas boksshy. Sultan, Gennadıı Golovkınmen salystyrǵanda, negizinen qarymta shabýylǵa ıek arta otyryp, oǵan qaraǵanda kóbirek qımyldaıdy. Menińshe, ol jerlesiniń jolyn qýýy múmkin», - deıdi maman.

Senbige qaraǵan túni 22 jastaǵy Sultan Záýirbek (2-0-0) Monte-Karloda ótken boks keshinde ózinen eki jas úlken nıkaragýalyq Edvın Tellesti (12-45-5, 6KO) úshinshi raýndta nokaýtpen jeńgen bolatyn.