22 jastaǵy qyzylordalyq arý mal bordaqylaýdy kásip etti
QAZALY. QazAqparat - Qyzylorda qalasynyń turǵyny Karına Shynybaeva mal bordaqylaý kásibin qolǵa aldy, dep habarlaıdy QazAqparat tilshisi.
Qalanyń irgesindegi Qaraýyltóbe aýylynan jer alyp, sharýa qojalyǵyn ashqan Karına jylqy baǵyp qana qoımaı, qustyń túr-túrin ósirip otyr.
«Bıznesimdi bastaý úshin Qyzylordadaǵy kásipkerler palatasynan keńes aldym. «Bastaý» jobasynan kásiptiń qyr-syryn úırenýge tyrystym. Kópten beri oıymda júrgen josparym - mal bordaqylaýmen aınalysýǵa bel baıladym. Sebebi, Syr óńiriniń halqy jylqy etin kóp tutynady. Ásirese, qysqy soǵymǵa alatyn adam kóbeıedi. Bıznes ıdeıam qoldaýǵa ıe bolyp, «Agrarlyq nesıe korporatsııasy» 10 mıllıon teńge nesıe berdi. Oǵan 30-ǵa jýyq jylqy satyp alyp, bordaqylaýdyń qamyn jasap jatyrmyz. Budan basqa taýyq, kúrketaýyq, qaz, úırek asyrap otyrmyz», - deıdi jas kásipker.
Karına Shynybaeva 17 jasynda turmys qurǵan. Qazir eki balanyń anasy. Ospanovtar áýletine kelin bolǵan onyń kásibine ata-enesi men joldasy qol ushyn berýde. 
Foto avtordiki
