22 jastaǵy «Qyrǵyzstan arýy» obyrdan kóz jumdy
ASTANA. QazAqparat - «Mıss Qyrǵyzstan-2013» tıtýlynyń ıegeri 22 jastaǵy Jibek Núkeeva uzaqqa sozylǵan dertten kóz jumdy, dep habarlaıdy QazAqparat.
«Bul týraly aıtý maǵan óte aýyr. Búgin «Mıss Qyrǵyzstan» tıtýlynyń ıegeri Jibek Núkeeva qaıtys boldy. Ol nebári 22 jasta. Jibek aqjarqyn, ádemi qyz biz alǵash tanysqan kúni-aq óziniń salmaqtylyǵymen, náziktigimen tánti etken edi. Dertiniń aýyrlyǵyna qaramastan ómirden úmitin úzbeı Italııa, Túrkııa, Izraıldiń tanymal klınıkalarynda em qabyldady. Ol ómirdi sheksiz súıdi, - dep jazdy qoǵamdyq belsendi Assol Moldokmatova óziniń Feısbýktegi paraqshasynda.
BAQ taralǵan málimetterge qaraǵanda, Qyrǵyzstan sulýlyq baıqaýynyń jeńimpazy jáne "Álem arýy - 2013" qatysýshysy Jibek Núkeeva sońǵy jyldary uzaqqa sozylǵan qaterli isikpen aýyrdy. Oǵan aýrýy týraly dıagnoz 2016 jyly qyrkúıekte júktiliktiń jetinshi aıynda qoıylǵan. Aýrýyna qaramastan Jibek ómirge Iman atty sábı alyp keldi.
