22 jastaǵy Áıgerim bes birdeı jetim balany jalǵyz ózi asyrap otyr - Prezıdentke túsken hattardan
ASTANA. Qarashanyń 2-si. QazAqparat /Arman Asqarov/ - Qurmetti Prezıdent myrza, men bes birdeı jetim balany asyrap otyrmyn. Qazirgi kezde tólenetin áleýmettik járdemaqynyń kólemi balalardyń qajettiligine jetpeı otyr.
Búgin Elbasy Nursultan Nazarbaevtyń tikeleı jeli arqyly tildesýine oraı ashylǵan Baılanys ortalyǵyna habarlasqan balalardyń asyraýshysy, Aqtóbe oblysy Shalqar aýdanynyń turǵyny Áıgerim Aldanova osy másele týraly aıtty, dep habarlaıdy QazAqparat.
22 jastaǵy Áıgerim búginde jalǵyz ózi apasynan qalǵan bes jetim balany asyryp otyr. Oǵan qosa, onyń ekinshi toptaǵy múgedek anasy bar. «Apam qaıtys bolǵannan keıin men oqýymdy tastap, aýylǵa keldim. Qazir bes balany asyrap otyrmyn. Olarǵa tólenetin áleýmettik járdemaqy 21 myń teńgeni quraıdy. Bul balalardyń barlyq qajettilikterine jetpeıdi. Turmys qurmasam da, múgedek anam ekeýimiz bar qıynshylyqtardy kóterip kelemiz. Dıplomymdy áli alǵan joqpyn. Osyǵan baılanysty Elbasydan kómek berýdi suraımyn», - deıdi Á.Aldanova.
