22 jastaǵy Zeınep Chelık Túrkııanyń eń jas meri atandy

ASTANA. KAZINFORM - Chanakkale okrýgindegi Kalkım qalasynda táýelsiz úmitker Zeınep Chelık saılaýda jeńiske jetip, qala meri boldy. Osylaısha Chelık Túrkııanyń eń jas áıel meri ataǵyna ıe boldy, dep habarlaıdy Trthaber.

Enıseniń áıgili kásipkerleriniń biri Mehmet Chelıktiń qyzy 22 jastaǵy Zeınep Chelık jergilikti bılik saılaýyna táýelsiz kondıdat retinde qatysty.

Beıresmı nátıjelerge sáıkes, saılaýda jeńiske jetken Zeınep Chelık Kalkım qalasynyń meri boldy.

«Birlesken kúsh-jigerimiz jáne duǵalarymyzben bastaǵan osy qyzmet saparynda qoldaý kórsetkenińiz úshin alǵys aıtqym keledi. Kalkımge abyroıly qyzmet etip, aldaǵy 5 jylda halqymyzdy kún saıyn baǵalaı bilýge mindettimin. Bul jetistik bárimizdiki», - dedi Zeınep Chelık.