22 jasar qazaq konkıshi Qytaı ulttyq quramasy qataryna qosyldy
ASTANA.KAZINFORM – Ulty qazaq sportshy Erqanat Aıtnamauly konkımen júgirý sportynan Qytaı ulttyq quramasy sapyna qosyldy.
Jergilikti Altaı aqparat portalynyń habarlaýynsha, Qytaı quramasy qatarynda óner kórsetetin 22 jasar qandasymyz AQSh, Kanada, Nıderland jáne Norvegııada ótetin ISU konkımen júgirý sportynan álem kýbogy jarysyna qatysady.
Aıta keterligi, álem kýbogy jarystary 2026 jyly Mılan jáne Kortına-d’Ampetstso qalalarynda ótetin HHV Qysqy Olımpıada oıyndary aldyndaǵy irikteý sanalady.
Erqanat Aıtnamauly 2003 jyly 26 naýryz Qytaıdyń Shyńjań-Uıǵyr avtonomııalyq ólkesi, Altaı aımaǵyndaǵy Kóktoǵaı aýdanynda dúnıege kelgen. 11 jasynda sporttyq mansabyn bastaǵan Erqanat 2016 jyly Shyńjań komandasy sapyna qosyldy. 2022 jyly Beıjiń sport ýnıversıteti túlegi atanyp, 2024 jylǵy Qytaı chempıonatynda bir kúmis jáne bir qola medal enshiledi.
Qandasymyz 16 qarasha kúni Solt-Leık-Sıtıde (AQSh) ótetin álem kýbogynda jarys alańyna shyǵady.
Osyǵan deıin habarlaǵanymyzdaı, Qysqy Olımpıadanyń bastalýyna týra 100 kún qaldy.