22 tonna júgi bar kólik avtobanda aýdarylyp qaldy

TÚRKІSTAN. KAZINFORM- «Batys Eýropa – Batys Qytaı» kólik dálizinde kele jatqan júk kóligi jóndeý jumystary júrip jatqan ýchaskege kirip ketti.

Oqıǵa Túrkistan oblysynyń aýmaǵynda boldy. Tańǵy saǵat 05:00 shamasynda Túrkistannan Shymkent baǵytyna qaraı kele jatqan júk kóliginiń júrgizýshisi jóndeý jumystary júrgizilip jatqan aýmaqqa kirip ketken. Saldarynan 22 tonna júgi bar kólik avtobanda aýdarylyp qaldy.

«Oqıǵa respýblıkalyq mańyzy bar M32 Samara-Shymkent avtojolynyń 22/10 shaqyrymynda boldy. Júrgizýshi jol boıyndaǵy jol belgilerin baıqamaǵan. Kólik ishindegi júkter tolyǵymen jerge túsirildi. Qazir kólikti kranmen jol jıegine qoıý jumystary júrgizilip jatyr», - dedi «QAJservıs» JShS TOF dırektory Erik Amanjolov.