22 tamyzda Qazaqstannyń basym bóliginde kún ashyq bolady
ASTANA. QazAqparat - 22 tamyzda Qazaqstannyń basym bóliginde ashyq aýa raıy saqtalady. Atmosferalyq aǵyndardyń ótýimen respýblıkanyń ortalyǵynda, shyǵysynda, ońtústiktegi taýly aýdandarda ǵana keı jerlerde jańbyr jaýyp, naızaǵaı oınaıdy, jel kúsheıedi, ońtústikte shańdy daýyl kóteriledi, dep habarlady QR ІІM Tótenshe jaǵdaılar komıteti.
Respýblıkanyń soltústiginde túnde jáne tańerteń keı jerlerde tuman túsedi.
Aqmola, Soltústik Qazaqstan, Qostanaı oblystarynda túnde jáne tańerteń keı jerlerde tuman túsedi, Qostanaı oblysynda jel 18 m/s-qa deıin kúsheıedi.
Ońtústik Qazaqstan, Jambyl oblystarynda tańerteń jáne kúndiz keı jerlerde jeldiń ekpini 15-18 m/s-qa jetedi, kúndiz naızaǵaı oınaıdy.
Qyzylorda oblysynda keı jerlerde jel 15-20 m/s-qa deıin kúsheıip, shańdy daýyl kóteriledi.
Qaraǵandy, Shyǵys Qazaqstan oblystarynda keı jerlerde jel 15-18 m/s-qa deıin kúsheıedi, naızaǵaı oınaıdy, kúndiz burshaq jaýýy yqtımal.
Kúndiz Atyraý, Batys Qazaqstan, Mańǵystaý oblystarynda, Aqtóbe oblysynyń keı jerlerinde aptap ystyq bolady.
Aqtóbe, Qyzylorda oblystarynda, Ońtústik Qazaqstan oblysynyń basym bóliginde, Atyraý, Batys Qazaqstan, Qaraǵandy, Qostanaı, Jambyl oblystarynyń keı jerlerinde óte joǵary órt qaýpi saqtalady.
