22 shilde kúni respýblıkanyń basym bóliginde jel kúsheıedi - Qazgıdromet
ASTANA. QazAqparat - Qazaqstannyń soltústik jáne shyǵys bóliginde 22 shilde kúni aýa raıynyń turaqsyzdyǵy saqtalady, keı jerlerinde jańbyr jaýyp, naızaǵaı oınaıdy. Bul týraly «Qazgıdometke» silteme jasap, QR TJM baspasóz qyzmetinen habarlady.
Respýblıkanyń birqatar aımaqtarynda jel kúsheıedi. Aqmola oblysynda túnde keı jerlerinde, kúndiz basym bóliginde jeldiń kúshi 15-22 m/s-qa deıin barady. Al Almaty, Jambyl, Ońtústik Qazaqstan, Batys Qazaqstan, Aqtóbe, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń birqatar jerlerinde ekpini 15-20 m/s bolatyn jel soǵady. Kúndiz Shyǵys Qazaqstan oblysynda, Almaty, Jambyl oblystarynyń keı aımaqtarynda qatty ystyq bolady.
