22 sáýir kúngi aýa raıy boljamy
NUR-SULTAN. QazAqparat –Atmosferalyq frontaldy bólikterdiń ótýine baılanysty 22 sáýir kúni respýblıkanyń keı jerlerinde jańbyr, naızaǵaı, ekpindi jel, shandy daýyl, soltústikte tuman kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, kúndiz Qostanaı oblysynyń basym bóliginde 15-20 m/s jyldamdyqta jel soǵyp, ekpini 23 m/s kúsheıedi. Keı jerlerinde tuman kútiledi.
Mańǵystaý, kúndiz Qaraǵandy, Shyǵys Qazaqstan, Aqtóbe, Atyraý, Qyzylorda oblystarynyń keı jerlerinde jel 15-20 m/s artady. Atyraý, Qyzylorda oblystarynda shańdy daýyl turady.
Batys Qazaqstan oblysynda jel 15-20 m/s kúsheıedi, kúndiz keı jerlerinde burshaq kútiledi.
Soltústik Qazaqstan, Aqmola oblystarynyń keı jerlerinde tuman boljanady. Kúndiz jeldiń kúshi 15-20 m/s artýy yqtımal.
