22 naýryzdan Nur-Sultan men Almatyǵa qalaaralyq avtobýstar kirmeıdi
NUR-SULTAN. QazAqparat - Karantınge baılanysty Nur-Sultan jáne Almaty qalalaryna keletin jáne osy eki megapolısten shyǵatyn barlyq avtobýs reısteri toqtatyldy, dep habarlaıdy QazAqparat.
«22 naýryz kúni saǵat 00:00 bastap Nur-Sultan jáne Almaty qalalaryna/qalalarynan avtomobıl kóligimen jolaýshylar tasymaldaý toqtatylady», - dedi QR Indýstrııa jáne ınfraqurylymdyq damý mınıstrliginen.
Atap ótilgendeı, jolaýshylardy tranzıttik tasymaldaý atalmysh eki shahar aýmaǵyna kirmeı júzege asyrylady.
«Eske sala keteıik, Qazaqstan Respýblıkasynyń Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııasynyń 2020 jylǵy 16 naýryzdaǵy sheshimine sáıkes Reseı, Qyrǵyzstan, Ózbekstan jáne Mońǵolııamen arada avtomobıl kóliginiń barlyq túrimen ekijaqty jolaýshy jáne júk tasymaldaý, sondaı-aq Qazaqstan Respýblıkasynyń aýmaǵy boıynsha tranzıttik jolaýshylar tasymaldaý toqtatyldy. Bul tyıym halyqaralyq qatynastaǵy júk avtokólik quraldarymen júk tasymaldaýǵa taralmaıdy», - dedi vedomstvodan.
Foto: www.facebook.com/industry.gov
