22 naýryzda elordadaǵy Táýelsizdik dańǵyly, Saraıshyq jáne Syǵanaq kósheleri jabylady
ASTANA. 18 naýryz. QazAqparat - 2013 jyly 22 naýryz kúni «Qazaq eli» monýmentiniń aldyndaǵy alańda Naýryz meıramyn toılaýǵa baılanysty Táýelsizdik dańǵyly, Saraıshyq jáne Syǵanaq kósheleri jabylady.
Bul sharalar jol qozǵalysy qaýipsizdigin qamtamasyz etý maqsatynda ótkizilip otyr. Bul týraly búgin «Báıterek» halyqaralyq medıa ortalyǵynda ótken baspasóz máslıhatynda Astana qalasy JPB bastyǵynyń orynbasary Qalı Aımaǵambetov málim etti, dep habarlady Astana qalasynyń resmı saıty.
Tańǵy saǵat 8.00-den bastap mereke aıaqtalǵanǵa deıin tómendegi kósheler tolyǵymen jabylady:
- Táýelsizdik dańǵyly R.Qoshqarbaev (Saraıshyq) kóshesinen J.Nájimedenov kóshesine deıin;
- Baıtursynov kóshesi B.Momyshuly dańǵylynan Sarykól kóshesine deıin;
- Saraıshyq kóshesi M1-den Obaǵan kóshesine deıin;
- Syǵanaq kóshesi M3-ten Obaǵan kóshesine deıin;
«Kúndiz Naýryz merekesi ótetin ýaqytta turǵyndar men qonaqtar Orynbor kóshesimen aınalyp ótýi tıis. Qazaq eli monýmentiniń aınalasynda avtokólikter jınalmaýy úshin qoǵamdyq kólikti paıdalanýǵa keńes beremiz», - deıdi Qalı Aımaǵambetov.
