22 naýryzda Astanadaǵy qoǵamdyq kólikterdiń jol júrý baǵdary ózgeredi
ASTANA. 18 naýryz. QazAqparat - 22 naýryz kúni «Qazaq eli» monýmentiniń mańynda merekelik shara ótetindikten, birqatar qoǵamdyq kólikterdiń jol júrý baǵdary ózgertiledi. Bul týraly búgin baspasóz máslıhatynda Astana qalalyq «Jolaýshylar tasymaldaý ortalyǵy» JShS dırektorynyń orynbasary Jomart Dáýmenov málim etti.
«22 naýryz kúni «Qazaq eli» monýmentiniń mańynda 09.00-den 16.00-ge deıin merekelik sharalar ótetindikten, qoǵamdyq kólikterdiń jol júrý baǵdary ózgertiledi. Qazirgi kezde atalmysh alań arqyly 6 marshrýt ótedi. Mereke kúni solardyń baǵdary azdap ózgerip, Qoshqarbaev kóshesine jetken soń, Obaǵan men Nájimedenov kóshelerine qaraı burylatyn bolady. Odan ári burynǵy baǵdarymen ketedi. Olarǵa qosymsha retinde №№ 2, 26, 35, 41 jáne 46 avtobýstar qosylady.
№№ 2 jáne 26 marshrýttar Táýelsizdik pen Baıtursynov qıylysyna deıin baryp, ońǵa qaraı burylyp, B. Momyshuly kóshesimen keri qaıtady.
Al №№ 35, 41 jáne 46 baǵyttaǵy qoǵamdyq kólikter «Haıvıl» arqyly sol jaǵalaýǵa ketip otyrady», - dep túsindirdi J.Dáýmenov.
